ओकिनावा स्कुटरमा आगालागी हुँदा सोरुम जलेर नष्ट, सुरक्षालाई लिएर बढ्यो चिन्ता

भारतमा इलेक्ट्रिक स्कुटरमा आगालागी हुने घटना एकपछि अर्को बढिरहेको छ । केही समय पहिले ओला र प्योर इभीमा अगालागी भएको घटना सेलाउन नपाउँदै ओकिनावा स्कुटरमा समेत अगालागी भएको घटना सार्बजनिक भएको छ । उक्त स्कुटरमा आगालागी भएपछि तमिलनाडुस्थित शोरुम जलेर पूर्ण नष्ट भएको छ ।

शोरुम अगाडी पार्किङ गरेर राखिएको स्कुटरमा आगालागी भएपछि त्यसको असर सोरुमसम्म पुगेको डिलर संचालकले बताएका छन् । उक्त दुर्घटनामा कुनै मानविय क्षती नभएपनि शोरुममा भने पूर्ण क्षती पुगेको हो । शोरुममा कति स्कुटर थिए र यसले कति क्षति पुर्यायो भन्नेवारे यकिन तथ्यांक भने आइसकेको छैन ।

इलेक्ट्रिक स्कुटरमा एकपछि अर्को आगालागिको घटना बढ्दै जान थालेपछि ग्राहकहरुले धमाधम यस्ता स्कुटर डिलरहरुलाई फिर्ता गर्न थालेको बताइएको छ । यसरी दुर्घटना हुनुमा कमसल गुणस्तरको व्याट्री प्रमुख कारण रहेको प्रारम्भिक अध्यानहरुले देखाएको छ । इलेक्ट्रिक सवारीसाधनको विश्वव्यापी प्रभाव बढ्दै गैरहेको समयमा यसरी अगालागीको घटना थपिँदै जाँदा यस्ता साधनको सुरक्षलाई लिएर चिन्ता बढ्न थालेको छ ।