यस्तो छ टोयोटाले सार्वजनिक गरेको इलेक्ट्रिक एसयूभी, नेपालमा पनि आउने

टोयोटाले आफ्नो पहिलो अल इलेक्ट्रिक एसयूभी बीजेड४एक्स सार्वजनिक गरेको छ । सो इलेक्ट्रिक कारले हुन्डाई आयोनिक ५ र किया ईभी६ सँग प्रतिस्पर्धा गर्नेछ । यो जापानको टोयोटाको प्लान्टमा निर्माण हुनेछ । यसको प्रारम्भिक मूल्य ४२ हजार डलर तोकिएको छ ।

सो इलेक्ट्रिक कार ई–टीएनजीए प्लेटफर्ममा आधारित छ । पहिलो वर्षमा सो एसयूभी ५ हजार युनिट बिक्री गर्ने अपेक्षा गरिएको छ । यो इलेक्ट्रिक कार नेपाली बजारमा समेत आउने अपेक्षा गरिएको छ ।

टोयोटाको बीजेड४एक्सको ह्विलबेस १५ सेन्टिमिटर लामो र ५ एमएम चौडा छ । टोयोटाले सो इलेक्ट्रिक एसयूभी मिड साइजको सेगमेन्टमा सबैभन्दा ठूलो लेग रुम उपलब्ध गराएको दाबी गरेको छ । टोयोटाले सो कारमा फ्रन्ट ह्विल ड्राइभ र अल ह्विल ड्राइभ दुवै सिस्टममा उपलब्ध गराइएको छ ।

कारको सेन्टर कन्सोलमा स्मार्टफोनको लागि वायरलेस चार्जिङ, यूएसबी सी र ए पोर्टको साथै ठूलो १२.३ इन्चको मल्टिमिडिया सिस्टममा उपलब्ध छ । कारमा टोयोटाले ९ स्पिकर जेबीएल स्पिकर सिस्टम जोडेको छ, जसलाई ८ च्यानल ८०० डब्ल्यु एम्पलीफायर र ९ इन्च सबवुफरसँग जोडिएको छ ।

बीजेड४एक्स इलेक्ट्रिक कार २ भेरिएन्टमा रहेको छ । एफडब्ल्युडी भेरिएन्टले २०१ एचपीको पावर र एडब्ल्युडी भेरिएन्टले २१४ एचपीको पावर जेनेरेट गर्ने क्षमता रहेको छ । एफडब्ल्युडी भेरिएन्टले ७ सेकेन्डमा र एडब्ल्युडी भेरिएन्टले ६.५ सेकेन्डमा ० देखि १०० किलोमिटर प्रति घन्टाको स्पिड लिने क्षमता रहेको छ ।

एफडब्ल्युडी मोडेल ५५९ किलोमिटरको रेन्ज र एडब्ल्युडी ५४० किलोमिटरको रेन्ज रहेको छ । टोयोटाले धेरै चार्जिङ विकल्पहरू सहित बीजेड४एक्स पेश गरेको छ । यसमा १२० भी र २४० भी चार्जरको साथै डीसी फास्ट चार्जरहरु समावेश छन् । ६.६ किलोवाटको चार्जरबाट बीजेड४एक्स ९ घन्टामा फुल चार्ज गर्न सकिन्छ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...