भोली फोर्स गुर्खाको औपचारिक लन्च हुने

नेपाली बजारमा भोली फोर्स गुर्खाको औपचारिक लन्च हुने भएको छ । नेपालका लागी आधिकारिक बितरक आयाम इन्टरकिन्टनेन्टल प्रालिले एक समारोहका विच यो अफरोडर एसयुभीलाई औपचारिक लन्च गर्न लागेको हो । यो एसयुभीको मूल्य भने यसअघि नै निर्धारण भैसेको छ । नेपाली बजारमा यसको मूल्य ७८ लाख ९९ हजार रुपैयाँ निर्धारण गरिएको हो ।

२ महिनाअघि नेपाल आएको यो एसयुभीलाई कम्पनीले देशका बिभिन्न स्थानहरुमा सडक परिक्षण गर्दै आइरहेको थियो । उक्त परिक्षणका क्रममा यो एसयुभीले सबै भुभागमा राम्रो पर्फमेन्स दिएको र अहिले औपचारिक लन्च गर्न लागिएको कम्पनी स्रोतले बताएको छ ।

यो नयाँ एसयूभीमा विश्व प्रशिद्ध मर्सिडिज बेन्जको २.६ लिटर ईन्जिन, गियरवक्स र एक्सल जडान गरिएको छ । पावरफुल फोर ह्विल ड्राईभ, म्यानुअल डिफ्रेन्सियल लक(अगाडी र पछाडी दुबै एक्सलमा), ३५ डिग्री ग्रेडिएविलिटी र उच्च ग्राउन्ड क्लियरेन्स भएकोले यसलाई जस्तो सुकै वाटोमा पनि गुडाउन उपयुक्त हुने देखिन्छ ।

वल्की डिजाईन र वोल्ड लुक्स भएको फोर्स गुर्खामा डिआरएल सहितको आकर्शक एलईडि हेडल्याम्प, टिल्ट एण्ड टेलिस्कोपिक स्टेरिङ्ग, एडभान्स ईन्फोटेन्मेन्ट सिस्टम लक्जरियस पाईलट सिट, कोयल स्प्रिङ्ग सस्पेन्शन जस्ता आधुनिक फिचर्स दिएको छ ।

सुरक्षालाई मध्यनजर गर्दै एयर व्याग, एविएस, इविडी र रिभर्स पार्किङ्ग सेन्सर जस्ता फिचर्स रहेका छन् । थ्री डोर डिजाईन र ४ सिट क्षमता भएको यो अफरोडरमा सहज ईन्ट्री र एक्जिट, पर्याप्त वुट स्पेस र ग्याङ्गवे लगायत सुबिधा दिइएको छ । ठुलो सिङ्गल विन्डो रहेकोले आकर्षक दृश्यको अवलोकन गर्न सकिन्छ ।