जापनीज कार किन जर्मन कार भन्दा बिश्वसनिय मानिन्छ ? यस्ता छन् कारण

विश्व अटो बजारमा जर्मन र जापनिज अटो निर्माता एकआपसमा प्रतिस्पर्धा गरिरहेका ब्रान्ड हुन् । बिक्रीको हिसावाले हेर्दा पनि यी दुई देशका कार सधैं अग्रपंक्तिमा आउने गर्छ । यी दुई देशमा उत्पादन हुने बिभिन्न कारका आ–आफ्नै लक्षित ग्राहक समेत रहेको पाइन्छ । प्राय प्रिमियम सेग्मेन्टका कार मात्रै उत्पादन गर्ने जर्मन अटो निर्माताको बजार युरोप र अमेरिका लगायत अन्य बिकसित राष्ट्रहरुमा केन्द्रित भएको पाइन्छ भने जापनीज निर्माताहरुले मास प्रोडक्सनमा जोड दिइरहेका छन् । उसको बजार बिश्वका सबैजसो देशमा बिस्तार भैरहेको छ ।

यी दुई देशमा उत्पादन हुने कारमा प्रयोग हुने इन्जिनियरिङ समेत फरक फरक हुने गरेको छ । जर्मन निर्माताले कारको डिजाइन र फिचर्समा बढी जोड दिने गरेका छन् भने जापनिज निर्माताले भने डिजाइन र फिचर्सको साथै बलियो पार्टपूर्जा र सुलभ मूल्यमा जोड दिएको देखिन्छ । यी पक्ष बाहेक यी दुई कार ब्रान्ड स्टायल, स्पिड, पर्फमेन्स र मूल्यमा समेत फरक छन् । सबैभन्दा ठूलो फरक भने यी दुई कारको बिश्वसनियतामा रहेको देखिन्छ ।

जर्मन ब्रान्डको नाम लिने बित्तिकै अधिकांशक कार पारखीले औडी, मर्सिडिज बेन्ज, बिएमडब्लु र पोर्शलाई याद गर्छन् । यी ब्रान्डका कार पावर, स्पिड र लक्जरीका क्षेत्रमा प्रख्यात मानिन्छन् । जसका कारण यसको लक्षित ग्राहक समेत सोही प्रकारको रहँदै आएको छ । यी कार जापजिनक कारको तुलनामा धेरै महंगो समेत हुन्छन् ।

उता मास प्रोडक्सनमा जोड दिँदै आइरहेका जापनिज ब्रान्ड टोयोटा, होन्डा र निशान लगायतले यातायातको विश्वसनियतालाई बढी जोड दिएको देखिन्छ । यी ब्रान्डका कार प्रयोग गर्ने ग्राहकमा स्पेयर पार्ट्सको मूल्य सस्तो हुने र सजिलै मर्मतसम्भार गर्न सकिने मान्यता रहँदै आएको छ । साथै यी कारको मूल्य समेत जर्मन ब्रान्डको तुलनामा निकै सस्तो पर्छ ।

नेपाली बजारमा समेत यी दुबै देशका कार उपलब्ध छन् । जापजिन निर्माता अन्तर्गत टोयोटा, निशान, मित्सुबिसी र होन्डा लगायत ब्रान्ड उपलब्ध छन् भने जर्मन निर्माताले उत्पादन गर्ने फक्सवागन, बिएममडब्लु र मर्सिडिज पनि नेपाली बजारमा उपलब्ध रहँदै आएको छ । जसमध्ये जापनिज ब्रान्डलाई जर्मन ब्रान्डको तुलनामा बढी विश्वस गरिएको सहजै अनुमान लगाउन सकिन्छ ।