फोर्स गुर्खा टेस्ट ड्राइभ क्याम्पेन उत्साहजनक रुपमा सम्पन्न

पोखरा - फोर्स गुर्खा 4x4x4 को टेस्ट ड्राइभ क्याम्पेन पोखरामा उत्साहजनक सहभागिताका साथ आइतबार सम्पन्न भएको छ ।

नेपालमा हिमालय अर्गनाईजेशन अन्तर्गत फोर्स मोटर्सको आधिकारीक आयातकर्ता तथा विक्रेता रहेको आयाम ईन्टरकन्टिनेन्टल प्रा.लि.ले पोखरा चाउथेमा टेस्ट ड्राइभ क्याम्पेन गरेको थियो ।

सो अवधिमा उत्साहजनक रुपमा ६७ जना सहभागी भई टेस्ट ड्राइभ गरेका थिए । अफरोड भेईकल भएकोले टेस्ट ड्राइभ क्याम्पेनलाई अझ प्रभावकारी वनाउनको लागि कम्पनीले अफरोड ड्राइभ ट्रयाकको समेत ब्यबस्था गरेको थियो । टेस्ट ड्राइभ क्याम्पेनमा सहभागी ग्राहकको फोर्स गुर्खा 4x4x4 प्रतिको आकर्षण बढेको बताइएको छ ।

यस टेस्ट ड्राइभ क्याम्पेन पश्चात छिट्टै नेपालको काठमाण्डौं, चितवन, झापा, ईटहरी लगायत विभिन्न शहरहरुमा टेस्ट ड्राइभ क्याम्पियन संचालन गर्ने कम्पनीले जानकारी दिएको छ ।