जाडोमा बाइक चलाउँदा प्रयोग गरौं ह्यान्ड गार्ड : यस्ता छन् फाइदा

जाडो मौसममा बाइक ड्राइभ गर्नु चुनौतीको कुरा हो । चिसो मौसमका कारण हातखुट्टा कठ्याङ्ग्रिने हुनाले चालकले निकै सास्ती व्यहोर्नु परेको हुन्छ । हातमा अत्यधिक चिसोका कारण बाइकको कन्ट्रोल पनि बिग्रन सक्छ । यस्तो अवस्थामा बाइकमा ह्यान्ड गार्डको प्रयोगले चालकलाई बढी मद्दत गर्छ ।

चिसो मौसममा बाइक चलाउँदा ह्यान्ड गार्डले चालकको हातलाई चिसो हावाबाट जोगाउँछ, जसले बाइकमा राम्रो नियन्त्रण दिन्छ । ह्यान्ड गार्डले हातलाई चिसोबाट जोगाउनुका साथै चोटपटकबाट पनि सुरक्षित राख्छ । सामान्य दुर्घटनाको बेलामा ह्यान्ड गार्डले औँलामा चोट लाग्ने सम्भावना कम गर्छ ।

ह्यान्ड गार्ड चालकको सुरक्षाको लागि मात्र होइन बाइकको ह्यान्डलबारको लागि पनि महत्वपूर्ण छ । ह्यान्ड गार्डले सानो दुर्घटनाको अवस्थामा बाइकको ह्यान्डल र क्लचलाई सुरक्षा प्रदान गर्छ । दुर्घटना हुँदा बाइक भुइँमा खस्दा ह्यान्ड गार्डको आवरणले ढालको काम गर्छ । यसले क्लच र ह्यान्डललाई जमिनमा ठोक्नबाट जोगाउँछ ।

ह्यान्ड गार्डहरू धेरै प्रकारका हुन्छ । आवश्यकता अनुसार पूर्ण कभर वा अर्ध कभर ह्यान्ड गार्ड प्रयोग गर्न सकिन्छ । फुल ह्यान्ड गार्डहरू जाडो मौसममा बाइक चलाउनका लागि उत्तम हुन्छ, जबकि गर्मी मौसममा सेमी कभर वा ओपन ह्यान्ड गार्डहरू प्रयोग सकिन्छ ।