मोटरहेडको ५ दिने एक्सचेन्ज क्याम्प हुने, पुरानो बाइकमा थप २० हजार दिइने

काठमाडौं – मोटरहेड ब्रान्डको नेपालका लागि आधिकारीक वितरक एसएलआर टेक्नो एन्ड ट्रेडले यही माघ १९ गते देखि लागू हुने गरी ५ दिने एक्सचेन्ज क्याम्प सञ्चालन गर्ने भएको छ ।

उपत्यका भित्रका सबै शोरुमहरुमा लागू हुने उक्त कार्यक्रममा कम्पनीले यस पटक पुरानो बाइकको बजार मूल्यांकनमा थप २० हजार रुपैयाँ दिने भएको छ । यस अघि कम्पनीले थप मुल्यांकनमा १५ हजार रुपैयाँ दिने गरेको थियो ।

यसका साथै उक्त पाँच दिने कार्यक्रम एक्सचेन्ज नगरी नगदमै मोटरहेडका बाइक खरिद गर्दा १० हजार छुट र फाइनान्स खरिदमा ८ हजार रुपैयाँ छुटको व्यवस्था गरेको छ । उपत्यका भित्र कम्पनीको ५ ठाउँमा शोरुम रहेको छ ।

धोविघाट, सल्लाघारी, टेकु, चावहिल र बालाजुमा रहेको शोरुमहरुबाट आफूले पायक पर्ने गरी यो अफरको फाइदा लिन सकिने कम्पनीले बताएको छ । बजारमा राम्रो प्रवेश गर्न सफल यस ब्राण्डका हाल ७ मोडल रहेका छन्, जसमा अफरोड राइडका लागि स्पोर्ट्स २५०, एक्स–टर्क २५०, एमएच–२००एक्स र रोड तथा अफरोड दुवैलाई हुने गरी टेक्कन २५०, टेक्कन २५०आर (नयाँ एडिसन), एमएच १५०आर र स्क्र्याम्बलर रहेका छन् ।

मोटरहेडका वाइकहरुको मूल्य ३ लाख ५ हजार देखि देखि लिएर ४ लाख ४५ हजार रुपैयाँ सम्म रहेको छ । कम्पनीले बिक्रीलाई सहज बनाउन र ग्राहकलाई सजिलो महसुस गराउन विभिन्न रिकन्डिसन र फाइनान्सहरुसँग सहकार्य गरी अघि बढेको जानकारी कम्पनीले दिएको छ ।

यसका साथै बिक्री पछिको सेवालाई सवल र सहज बनाउन आवश्यकीय तालिम दिलाई विभिन्न ठाउँमा आधिकारिक मर्मत केन्द्रहरुको स्थापना गर्दै गरेको जानकारी दिइएको छ ।