प्रतिदिन १३० रुपैयाँ तिर्ने गरी यामाहा मोटरसाइकल लिन सकिने

काठमाडौं – यामाहाको नेपालका लागि आधिकारिक वितरक एमएडब्ल्यु इन्टरप्राइजेज प्रालिले यामाहा मोटरसाइकल किन्न चाहनेका लागि ‘डिफाई योर ईएमई’ नामक आकर्षक अफर ल्याएको छ । यस अन्तर्गत प्रतिदिन १३० रुपैयाँ तिर्न सकिने सम्म सस्तो दरको अफर उपलब्ध छ ।

यस अफर अन्तर्गत मासिक रुपमा ३ हजार ९०१ रुपैयाँ किस्ता तिर्न सकिन्छ । त्यसैलाई हिसाब गरेर दैनिक १३० रुपैयाँ दर भनिएको हो । यद्यपि मोटरसाइकलको मोडल अनुसार किस्ता रकम बढ्दै जानेछ ।

हाल बैंकहरुमा समेत रकम अभाव भएको समयलाई मध्यनजर गरी यो अफर ल्याएको कम्पनीले बताएको छ । यसकारण नै बीचको कुनै ३ किस्ता समेत आफूलाई उपयुक्त समय मिल्ने गरी तिर्न सकिने व्यवस्था समेत गरिएको छ ।

नेपाली बजारमा उपलब्ध यामाहाका एफजी भी२, एफजी–२५, एफजीएस भी२, एफजीएस भी३, एफजीएस भी३ एक्स–कनेक्ट, सलुटो र एसजेड–आरआर मोटरसाइकलका लागि यो अफर उपलब्ध छ ।

यो अफर र विभिन्न मोटरसाइकलको मूल्यका वारेमा समेत यो लिंकबाट जानकारी लिन सकिन्छ ।