इन्द्र नारायण चोङबाङ भए यामाहा ‘रेस फर द एस’का विजेता, १२ तोला सुन पाउने

काठमाडौँ – यामाहा मोटरसाइकलको नेपालका लागि आधिकारिक बिक्रेता एमएडब्लु इन्टरप्राइजेजले दसैँलाई लक्षित गरी सुरु गरेको दसैं स्किम ‘रेस फर द एस’ को विजेता इटहरी निवासी इन्द्र नारायण चोङबाङ भएका छन् ।

गत भाद्र १५ बाट सुरु गरिएको सो दसैँ स्किम मंसिर १४ सम्म चलेको थियो । ९ हप्तासम्म चलेको सो स्किमको अवधिभर यामाहाको जुनसुकै बाइकको खरिदमा पनि ग्राहकलाई ८ हजार देखि १ लाख रुपैयाँ सम्मको छुट तत्काल दिइएको थियो ।

त्यसैगरी स्किम अवधिभर बाइक खरिद गर्ने ग्राहकलाई हरेक हप्ता एक गोल्डेन एस टिकट र बम्पर बिजेताका लागि तीन गोल्डेन एस टिकट जित्ने मौका प्रदान पनि गरिएको थियो । प्रत्येक हप्ताका एस कार्ड विजेताहरूलाई ४ तोला सुन र बम्पर विजेतालाई १२ तोला सुन पुरस्कार स्वरुप प्रदान गरिएको थियो ।

नेपालभरिबाट लक्की ड्रमार्फत विजेताहरू छनौट गरिएको सो ‘रेस फर द एस’ स्किमका बम्पर बिजेता इन्द्र नारायण चोङबाङले तिरुपती अटो सिटीबाट यामाहा एफजी डबल डिस्क ब्रेक खरिद गरेका थिए ।

यामाहा नेपालले आगामी दिनहरूमा पनि यस किसिमका स्किमहरूलाई निरन्तरता दिइराख्ने एमएडब्लु इन्टरप्राइजेजका प्रमुख कार्यकारी अधिकृत राजु क्षेत्रीले बताए ।

आगामी केही दिनमा चोङबाङ काठमाडौं आउने र उनलाई बम्पर पुरस्कार हस्तान्तरण गर्ने कार्यक्रम रहेको तीरुपति अटो सिटीका सञ्चालक सञ्जोग पराजुलीले बताए ।