क्रसफायरको एड्भेन्चर राइड टु नुवाकोट सम्पन्न

काठमाडौं – नेपालका लागि क्रसफायर मोटरसाइकलको आधिकारिक वितरक क्लासिक ह्विल्स एक्सपोर्ट एन्ड इम्पोर्टले एड्भेन्चर राइड टु नुवाकोट सम्पन्न गरेको छ । दुई दिन र एक रातको बसाई सहित आयोजना गरिएको उक्त राइडमार्फत राइडरहरु काठमाडौंबाट कठिन ट्रेल पार गर्दै नुवाकोट पुगेर आनन्दित बनेका थिए । सो राइड कार्यक्रम गत शुक्रबार र शनिबार सम्पन्न भएको थियो ।

लामो राइड पश्चात राइडरहरु नेवारी हस्पिटालिटी उपलब्ध ‘द फेमस फार्म’ मा विश्राम गरेका थिए । उनीहरु त्यहाँ विभिन्न मनोरञ्जनात्मक कार्यक्रममा संलग्न भएका थिए ।

थोरै राइडरहरुका लागि मात्र अवसर उपलब्ध गराइएको सो राइडमा २५ राइडर सहभागी भएको कम्पनीले बताएको छ । आगामी दिनमा धेरै राइडरलाई समेटेर यस प्रकारको कार्यक्रमलाई निरन्तरता दिइने कम्पनीले दाबी गरेको छ ।