चीप अभावको समस्या यामाहा मोटरसाइकलमा समेत देखियो, एमटी१५ र आर१५ को बिक्री प्रभाबित बन्न सक्ने

चीप अभावको समस्या फोर ह्विलरसंगै अन्तत टु ह्विलरमा समते देखा परेको छ । हाल यामाहामा देखा परेको यो समस्याले बिस्तारै अन्य ब्रान्डलाई समेत प्रभाब पार्ने देखिएको छ । जापनिज टु ह्विलर निर्माता यामाहाले उक्त समस्याका कारण भारतमा प्रिमियम मोडलका मोटरसाइकलको उत्पादन प्रभाबित बन्न थालेको बताएसंगै यो समस्याले भोलिका दिनमा अन्य ब्रान्डलाई समेत असर गर्न अनुमान गरिएको हो । कम्पनीका अनुसार चीप अभावको सबैभन्दा ठूलो असर यसका प्रिमियम मोडलका मोटरसाइकलमा देखा परेको हो ।

पछिल्लो समय भारतीय बजारमा एमटी १५ र आर१५ जस्ता प्रिमियम मोडलको माग बढ्दै गएक कारण उत्पादन बढाउनुपर्ने दबावमा रहेको यामाहाले चीप अभावका कारण उल्टै उत्पादन कटौती गर्नुपर्ने देखिएको छ । जसले यामाहाको बिस्तार हुँदै गरेको बजारमा ठूलो धक्का पुग्ने अनुमान लगाइएको छ । चीप अभावकै कारण स्कुटर र अन्य कतिपय मोटरसाइकलको उत्पादनमा भने समस्या नआउने उसको भनाई छ ।

भारतमा यामाहाको ठूलो बजार प्रिमियम मोडलले लिने गरेको छ । अन्य ब्रान्डले मुलत कम्युटर सेग्मेन्टमा जोड दिएका कारण उनीहरुलाई खासै असर नपर्ने समेत अनुमान लगाइएको छ । यस्तो अबस्थामा कम्पनीले यो सेमीकन्डक्टको उचित ब्यवस्थापन गर्ना नसकेको खण्डमा बजार नराम्रोसंग प्रभाबित बन्ने बिष्लेशणहरु हुन थालेका छन् ।

भारतीय बजारमा देखा परेको यो समस्याले यामाहाको नेपाली बजारमा समेत प्रभाव पार्ने देखिन्छ । २ महिनाअघि सार्बजनिक गरिएको एमटी १५ बिएस६ मोडलमा ग्राहकको आकर्षण बढेपनि माग बमोजिम आपूर्ती हुन नसकेका कारण यो मोटरसाइकल अहिले पनि सर्टेजकै अबस्थामा छ ।