देशका यी १२ स्थानमा चर्जिङ स्टेशन थप गर्दैै एमजी मोटर्स, होटल र पेट्रोल पम्प ब्यावसायीलाई सहकार्य गर्न आह्वान

एमजी ब्रान्डका इलेक्ट्रिक कार प्रयोगकर्ताले निकट भबिष्यमै देशका थप १२ स्थाबाट आफ्नो गाडी चार्ज गर्न पाउने सम्भावना देखिएको छ । उक्त ब्रान्डको नेपालका लागि आधिकारिक बितरक पारामाउन्ट मोटर्सले चार्जिङ स्टेशन निर्माण गर्न देशका बिभिन्न १२ स्थानका होटल, पेट्रोल पम्प र क्याफे तथा रेस्टुरेन्ट ब्यावसायीसंग सहकार्य गर्न आह्वान गरेसंगै यस्तो सम्भावना देखिएको हो ।

कम्पनीले पूर्ब पश्चिम राजमार्गको ९ स्थान र काठमाडौं सहित मुग्लिङ र पोखारामा यस्तो स्टेशन थप गर्ने योजना बनाएको छ । जसअनुरुप उसले पूर्ब पश्चिम राजमार्गमा पर्ने बिर्तामोड, इटहरी, ढल्केबर, पथलैया, नारायणघाट, बुटवल, चन्द्रौटा, नेपालगन्ज र धनगढीमा यस्तो स्टेशन निर्माण गर्नेछ । यी स्थानमा होटल, पेट्रोल पम्प र क्याफे तथा रेस्टुरेनट संचालन गर्दै आइरहेका ब्यावसायीसंग सहकार्य गरी डिसी चार्जसहितको पूर्बाधार निर्माण गर्ने उसले योजना बनाएको हो ।

एमजी मोटर्सको जेडस इभी नेपाली बजारमा सबैभन्दा बढी बिक्री हुने इलेक्ट्रि कारका रुपमा स्थापित बनेको छ । यो कार प्रयोग गर्ने ग्राहकको संख्या बढ्दै जान थालेपछि कम्पनीमाथी देशका बिभिन्न स्थानमा चार्जिङ स्टेशन थप गर्नु पर्ने दबाब सिर्जना भएको छ । सोही दबाव अनुरुप कम्पनीले स्थानिय स्तरमा ब्यावसाय संचालन गर्दै आइरहेका ब्यावसायीसंगको सहकार्यमा चार्जिङ स्टेशन निर्माण गर्न लागेको हो ।