क्रसफायर ट्रयाकर २५० सोल्ड आउट, अब बुकिङ गर्नेले केही समय पर्खिनु पर्ने

काठमाडौं – नेपाली बजारमा केही समय अघि भित्रिएको क्रसफायरको नयाँ मोटरसाइकल ट्रयाकर २५० सोल्ड आउट भएको छ । पहिलो लटमा नेपाली बजारका लागि उपलब्ध सबै मोटरसाइकल बिक्री भएको कम्पनी स्रोतले बताएको छ ।

अब बुकिङ गर्नेले भने केही सयम कुर्नु पर्ने भएको छ । नेपालका लागि क्रसफायरको आधिकारिक वितरक क्लासिक ह्विल एक्सपोर्ट एन्ड इम्पोर्टका अनुसार असोज महिनाको अन्त्य सम्ममा अर्को लट मोटरसाइकल उपलब्ध गराउने तयारी भइरहेको छ ।

ट्रयाकर २५० मा सिंगल सिलिन्डर, फोर स्ट्रोक र टु भल्भ एयरकुल्ड इन्जिन जडान गरिएको छ । जसको अधिकतम पावर २० बीएचपी र टर्क १८.५ एनएम रहेको छ । प्रतिलिटर इन्धन खपतमा ३० किलोमिटर माइलेज प्रदान गर्ने दाबी गरिएको यो बाइकको लुक्स तथा डिजाइन समेत निकै नै आकर्षक देखिन्छ ।

अगाडि टेलिस्कोपिक र पछाडि मोनोशक सस्पेन्सन जडान गरिएको यो बाइकको ग्राउन्ड क्लियरेन्स २४० एमएम रहेको छ । अगाडि र पछाडि दुबै चक्कामा डिस्क ब्रेक दिइएको यो बाइकको कुल तौल ११५ किलोग्राम छ ।

यो बाइकको हेड र टेल लाइटमा हेलोजन बल्व जडान गरिएको छ भने इन्डिकेटरमा एलईडी लाइट दिइएको छ । यो बाइकको मूल्य ३ लाख ४८ हजार रुपैयाँ निर्धारण गरिएको छ । जुन बजारमा हाल उपलब्ध यही सेग्मेन्टको अन्य बाइकको तुलनामा सबैभन्दा कम मूल्यको हो ।