यस्तो छ नेपाल भित्रिने अन्तिम तयारीमा रहेको फक्सवागन टाइगुनको ५ बिशेषता

जर्मन अटो मेकर फक्सवागनले पर्सि बिहीबार अर्थात सेप्टेम्बर २३ मा भारतीय बजारमा टाइगुन एसयभी लन्च गर्दैछ । लामो समयदेखी प्रतिक्षा गरिएको यो एसयुभी भारतीय बजारमा लन्च भए लगत्तै नेपाल भित्रिने पक्कापक्कि भैसकेको छ । नेपालमा फेस्टिवल सिजन सुरुवात भइसकेको र यो समयमा नयाँ एसयुभीलाई बजारमा उतारेर अटो पारखीको मिन जित्न आधिकारिक बितरक पूजा इन्टरनेश्नल नेपालले सबै तयारी पुरा गरिसकेको बताएको छ । टाइगुन नेपाल भित्रिने मिती नजिकिएसंगै यो एसयुभीका बारेमा चासो ब्याक्त गर्ने ग्राहकहरु समेत बढिरहेका छन् । यसै सन्दर्भमा हामीले यो एसयुभीको ५ बिशेषतालाई केलाउने कोशिश गरेका छौ ।

इन्जिन र पावर
फक्सवागनले यो एसयुभीलाई टर्बो चार्ज पेट्रोल टिएसआई र टर्बो पेट्रोलमा उतार्न गैरहेको छ । जसमध्ये पहिलो इन्जिन १.० लिटर ३ सिलिन्डर टर्बोचार्ज टीएसआईले अधिकतम ११५ पीएसको पावर र १७५ एनएम टर्क जेनेरेट गर्छ । दोस्रो इन्जिन १.५ लिटर ४ सिलिन्डर टर्बो पेट्रोल इन्जिनले १५० पीएसको अधिकतम पावर र २५० एनएमको टर्क जेनेरेट गर्छ । कम्पनीले यो एसयुभीमा तीन ट्रान्समिशनको विकल्प दिने भएको छ । यसमा ६ स्पिड म्यानुअल गियरबक्सको साथै ६ स्पिड टर्क कन्भर्टर अटोमेटिक र ७ स्पिड डीएसजी अटोमेटिक गियरबक्सको विकल्प दिइएको छ ।

लुक्स तथा डिजाइन
कारको एक्सटिरियर लुक र डिजाइन यूरोपियन एलिगेन्स डिजाइनको साथमा पेश गरिएको छ । जसका कारण यो निकै नै ग्ल्यामर देखिएको छ । टाइगुनको अगाडि थ्री स्लेट ग्रिल विथ क्रोम फिनिश देख्न सकिन्छ र ग्रिलमा फक्सवागनको बेजिङ पनि देख्न सकिन्छ । टाइगुनको डिजाइन टीरोकसँग मिल्दोजुल्दो रहेको छ । यसमा स्लिक एलईडी हेडलाइट र एलईडी डीआरएल समावेश गरिएको छ । बोनटमा बडी लाइन र तल सिल्भर स्किड प्लेट रहेको छ । कारको पछाडि दुबै तर्फ एलईडी टेल लाइट जाडन गरिएको छ । यसमा क्रोम डोर ह्यान्डल, सिल्भर रुफ रेल र ब्ल्याक बी पिलर्स समावेश गरिएको छ । साथै यो एसयुभीमा २६५१ एमएमको बेस्ट-इन-सेगमेन्ट ह्वीलबेस रहेको छ । एसयूभीमा फराकिलो ह्वील आर्क र १७ इन्च डुअल टोन अलोय ह्वील दिइएको छ ।

इन्टेरियर
यो एसयूभीको भित्र डुअल टोन इन्टिरियरले डिजिटल ककपिटको साथमा प्रिमियम लुक दिइएको छ । यो एसयुभीमा उच्च तहको ड्राइभिङ सिट पोजिशन, रियर सिटको लागि पर्याप्त स्पेस र स्तरिय एबं आरामदायी सिट जडान गरिएको छ । साथै यसमा ३८५ लिटरको बूट स्पेस रहेको छ ।

फिचर
यसमा अल डिजिटल ८ इन्च ड्राइभर डिस्प्ले र १० इन्चको इन्फोटेनमेन्ट युनिट रहेको छ । जहाँ एप्पल कार प्ले र एन्ड्रोइड अटोलाई कनेक्ट गर्न सकिन्छ । यो एसयुभीमा सनरूफ, स्पोर्टी फ्ल्याट बटम स्टेयरिङ ह्वील, क्लाइमेट कन्ट्रोल, रिभर्स क्यामेरा, अटो एलईडी हेड लाइट र भेन्टिलेटेड फ्रन्ट सिट उपलब्ध रहेको छ ।

सेफ्टी फिचर
टाइगुनमा ६ वटा एयरब्याग, इलेक्ट्रोनिक स्टेबिलिटी कन्ट्रोल, ट्रयाक्शन कन्ट्रोल सिस्टम, हाइड्रोलिक ब्रेक बुस्टिङ, ब्रेक डिस्क वाइपिङ, इलेक्ट्रोनिक ब्रेक फोर्स डिस्ट्रिब्युशन, इलेक्ट्रोनिक डिफरेन्शियल लक जस्ता फिचर प्रदान गरिएको छ । यसको साथै टायर डिफ्लेशन वार्निङ, हिल होल्ड कन्ट्रोल र थ्री रियर हेड रेस्ट्रेन्ट जस्ता फिचर उपलब्ध रहेको छ ।