टाटाको नयाँ इलेक्ट्रिक कार एक्सप्रेस–टी, सिंगल चार्जमा २१३ किमिको रेन्ज प्रदान

टाटा मोटर्सले भारतीय बजारमा एक्सप्रेस–टीको पहिलो इलेक्ट्रिक सेडान लन्च गरेको छ । कम्पनीले यही वर्षको जुलाई महिनामा एक्सप्रेस ब्रान्ड सार्वजनिक गरेको थियो । एक्सप्रेस–टी सुरुवातमा टिगोर ईभीको रिब्रान्डेड मोडल हो । नयाँ एक्सप्रेस–टीको मूल्य ९ लाख ५४ हजार देखि १० लाख ६४ हजार भारु तोकिएको छ ।

भारतमा सो इलेक्ट्रिक कार ट्याक्सी सेगमेन्टको रुपमा बिक्री गरिने छ । यसमा इन्टरनल कम्बसन इन्जिन र इलेक्ट्रिक मोटर दुबै समावेश रहेको छ । उक्त इलेक्ट्रिक सबकम्प्याक्ट सेडान २१३ किलोमिटर र १६५ किलोमिटर रेन्जमा उपलब्ध रहेको छ । यसको २१.५ केडब्ल्युएच ब्याट्री प्याकले २१३ किलोमिटरको रेन्ज र १६.५ केडब्ल्यु ब्याट्री प्याकले १६५ किलोमिटरको रेन्ज प्रदान गर्छ ।

कम्पनीका अनुसार १६.५ केडब्ल्यु ब्याट्री प्याक ० देखि ८० प्रतिशत चार्ज हुनको लागि ९० मिनेटको समय लाग्छ र २१.५ केडब्ल्युएच ब्याट्री प्याक ० देखि ८० प्रतिशत चार्ज हुनको लागि ११० मिनेटको समय लाग्छ । सो इलेक्ट्रिक कार नर्मल चार्जर वा १५ एमिपयर प्लग प्वाइन्टको मदतले पनि चार्ज गर्न सकिन्छ ।