एआई र ५ स्पेसल फिचर सहित एमजीले ल्याउदै छ पहिलो कम्प्याक्ट एसयूभी

एमजी मोटर इन्डियाले हालै नयाँ कम्प्याक्ट एसयूभी एमजी एस्टरको टिजर सार्वजनिक गरेको छ । कारको आर्टिफिसियल इन्टेलिजेन्समा आधारित फिचरको जानकारी पनि सार्वजनिक गरिएको छ । यद्यपि कम्पनीले सो एसयूभीको लन्चिङको समय बारेमा भने अझै केही जानकारी सार्वजनिक गरिएको छैन । रिपोर्ट अनुसार सो एसयूभी सेप्टेम्बरमा लन्च गर्ने सम्भावना रहेको छ ।

एमजी मोटर इन्डियाले सो एसयूभीमा आर्टिफिसियल इन्टेलिजेन्स र सेगमेन्टमा पहिलो पटक अटोनोमस लेवल २ टेक्नोलोजी प्रस्तुत गरिएको छ । सो एसयूभी सीएएपी प्लेटफर्ममा आधारित हुनेछ । उक्त प्लेटफर्म सफ्टवेयर मेसिन लर्निङ, ब्लकचेन, आर्टिफिसियल इन्टेलिजेन्स सहित कैयौ टेक्नोलोजी पेश गरिन्छ ।

एमजीको सो कार एआई टेक्नोलोजी भएको भारतको सबैभन्दा सस्तो कार हुनेछ । एमजी एस्टर कम्प्याक्ट एसयूभी सेगमेन्टमा प्रवेश गर्दैछ जहाँ हुन्डाई क्रेटा, किया सेल्टोस, स्कोडा कुशाक र फक्सवागन टाइगुनसँग प्रतिस्पर्धा गर्नेछ ।

यस्तो छ, एमजी एस्टर एसयूभीमा भएको खास ५ फिचर जुन हुन्डाई क्रेटामा उपलब्ध छैन ।

पर्सनल एआई एसिस्टेन्ट
कारको इन्टेरियरमा कनेक्टिभिटी बढाउनका लागि एमजीले जियोको टेक्नोलोजीसँग साझेदारी गरेको छ । कारमा आईओटी टेक्नोलोजीको साथमा ई–सिमको माध्यमले ४ जी कनेक्टिभिटी सुट प्रदान गरिन्छ । कारमा एआईको लागि रिलायन्स जियो आईटी सिस्टम उपलब्ध रहेको छ । एमजी मोटरले पहिलो पटक एआई एसिस्टेन्ट फिचर समावेश गरेको छ । उक्त सिस्टमलाई अमेरिकाको कम्पनी स्टार डिजाइनले तयार पारेको हो । एआई सिस्टममा इन्टरेक्टिभ रोबोट समावेश गरिएको छ । जसले चालकसँग कुराकानी गर्न सक्छ । एस्टर एसयूभी आईसीईको रुपमा लन्च गरिनेछ ।

अटोनोमस लेवल २ टेक्नोलोजी
अटोनोमस लेवर २ टेक्नोलोजी साधनको लागि नयाँ फिचर हो । तथापि यसमा ड्राइभरलेस ड्राइभिङको सुविधा भने छैन । कारमा फरवार्ड कोलिजन वार्निङ, अटोमेटिक इमरजेन्सी ब्रेकिङ, एडेप्टिभ क्रुज कन्ट्रोल, लेन किपिङ असिस्ट, लेन डिपार्चर वार्निङ, लेन डिपार्चर प्रिभेन्शन, रियर ड्राइभ असिस्ट, इन्टेलिजेन्ट हेडल्याम्प कन्ट्रोल र स्पिड असिस्ट सिस्टम जस्ता फिचर समावेश गरिएको छ ।

इन कार सर्भिसेज
एमजीले टेक्नोलोजी इकोसिस्टमको साथमा काम गरिरहेको छ । जसमा एआई, मेसिन लर्निङ, ब्लकचेन र अन्य प्रविधि समावेश रहेको छ । एस्टरमा कोइनअर्थ र ब्लकचेन प्रोटेक्टेड डिजिटल पासपोर्ट उपलब्ध रहेको छ । एमजी एस्टरमा जियो कनेक्सन, म्यापमाईइन्डिया जस्ता कैयौ सब्सक्रिप्शन सर्भिसेसको विकल्प रहेको छ । यसको साथै जियो साभ र पार्कप्लस कारमा उपलब्ध हुनेछ ।

३६० डिग्री क्यामेरा
एमजी एस्टर एसयूभीमा कम्पनीले ३६० डिग्री क्यामेरा पनि समावेश गरिएको छ । जसको मदतले चालकले ट्राफिक जामको समयमा चारै तिर हेर्न सजिलो हुन्छ । सो फिचर हुन्डाई क्रेटामा उपलब्ध छैन । यो ब्लाइन्ड स्पोट मर्निटरको रुपमा काम गर्छ ।

इन्टेरियर
एमजी एस्टर एसयूभी तीन फरक फरक क्याबिन थिमको साथमा उपलब्ध हुनेछ । हाल कम्पनीले डुअल टोन संगरिया रेड ट्रिममा मात्र पेश गरिएको छ ।