एमजी र जियोको साझेदारी, एमजीको नयाँ कारमा कनेक्टेड टेक्नोलोजी समावेश गर्ने

एमजी मोटरले भारतीय बजारमा उपलब्ध हुने आफ्नो कारमा एड्भान्स कनेक्टेड टेक्नोलोजी समावेश गर्नका लागि टेलिकम कम्पनी जियोसँग साझेदारी गर्ने भएको छ । यी दुबै कम्पनी भारतीय बजारमा अत्याधुनिक कनेक्टेड कार सोलुसन उपलब्ध गराउनका लागि साझेदारी गरेका हुन् । एमजी मोटर इन्डियाले इन्टरनेट अफ थिङ्स स्पेसमा भारतका प्रमुख डिजिटल सर्भिसेस प्रोभाइडर जियोसँग साझेदारीको घोषणा गरेको हो ।

एमजी मोटर इन्डियाले हाल भारतीय बजारमा हेक्टर, हेक्टर प्लस, ग्लोस्टर र जेडएस इलेक्ट्रिक एसयूभी जस्ता मोडल बिक्री गररहेको छ । कम्पनीले आउँदो समयमा जियोको इन्टरनेट अफ थिङ्स सिमलेस इन्टिग्रेसन प्रविधिको प्रयोग गर्नेछ । कम्पनीले सो टेक्नोलोजी शहरी र ग्रामीण क्षेत्रमा हाई क्वालिटी कनेक्टिभिटीको साथमा जियोको इन्टरनेटको राम्रो लाभ उठाउने दावी गरेको छ ।

एमजीले भारतीय बजारमा हेक्टर एसयूभी पहिलो इन्टरनेट कारको रुपमा प्रस्तुत गरेको थियो । जियोको सो कनेक्टेड भेइकल सोलुसन हार्डवेयर, सफ्टवेयर र कनेक्टिभिटीको कम्बिनेसन रहेको छ । जसले युजर्सलाई यात्राको समयमा ट्रेडिङ इन्फोटेनमेन्ट र रियल टाइम टेलिमेटिक्ससम्म पु¥याउन सक्षम रहेको छ ।

एमजी मोटरले भारतीय बजारमा पहिलो पटक इन्टरनेट÷कनेक्टेड कार, अटोनोमस स्तरको एडीएएस टेक्नोलोजीको प्रयोग गरेको थियो । कम्पनीले प्रिमियम एसयूभी ग्लोस्टरको लेबल–१ अटोनोमस फिचरको साथमा लन्च गरेको थियो ।

एमजी र जियोको साझेदारीको मौकामा जियोका डायरेक्टर र प्रेसिडेन्ट किरण थोमसले जियो भारतीय युजर्सको लागि अत्याधुनिक टेक्नोलोजी प्रोडक्ट्स र सोलुुसनको इकोसिस्टम बनेको र एमजी मोटर इन्डियासँगको साझेदारी महत्वपूर्ण कदम भएको बताएका छन् ।