स्मार्ट जेनेरेसनका लागि टीभीएस स्मार्ट एक्सचेन्ज, पुरानो बाइकलाई थप १५ हजार भ्यालुएसन

काठमाडौं – टीभीएसको नेपालका लागि आधिकारिक वितरक जगदम्बा मोटर्सले देशभर रहेको सोरुममार्फत स्मार्ट एक्सचेन्ज शुरु गरेको छ । आज देखि देशभर रहेका टीभीएस सोरुममा हुने उक्त स्मार्ट एक्सचेन्जमा कुनै पनि ब्रान्डको पुरानो बाइक वा स्कुटरसँग नयाँ टीभीएस बाइक वा स्कुटर साट्न सकिने छ ।

आगामी साउन १५ गते सम्म सञ्चालन हुने उक्त एक्सचेन्जमा पुरानो बाइक वा स्कुटरलाई बजार मूल्यांकन भन्दा १५ हजार थप मूल्यांकन प्रदान गरिने बताइएको छ । त्यसैगरी नयाँ बाइक वा स्कुटरमा ८ हजार सम्म नगद छुट प्रदान गरिने छ ।

फाइनान्समार्फत खरिद गर्नका लागि शून्य प्रतिशत ब्याजदरको स्किम समेत उपलब्ध गराइने छ । यो योजना निश्चित समयका लागि मात्र लागू गरिएको र यसबाट लाभान्वित हुन कम्पनीले अनुरोध गरेको छ ।

देशका विभिन्न भागमा यो कार्यक्रम सञ्चालित भइरहेको र हालै खुलेका नयाँ सोरुमहरुले समेत उत्साहपूर्ण रुपमा यो कार्यक्रम सञ्चालन गर्ने बताएका छन् । दाङको लमहीमा हालै खुलेको सोरुम लमही मोटर्सले समेत यो कार्यक्रम सञ्चालन गर्ने र यसबाट लाभान्वित हुन सकिने लमही मोटर्सका सञ्चालक सुदीप पाण्डेले बताए ।

टीभीएसले समय समयमा यस्ता एक्सचेन्ज कार्यक्रम आयोजना गर्दै आएको छ ।