कस्तो होला यामाहा आर१५ भी४, यस्तो छ एक डिजाइनरको अनुमानित तस्बिर

यामाहा आरवान फाइभ (आर१५) नेपाली युवाहरुका बीचमा समेत लोकप्रिय छ । १५० सीसीको सो मोटरसाइकलले धेरै सानो प्याकेजमा पनि ठूलो रेसिङ स्पोर्ट्स मोटरसाइकलको स्वाद राइडरहरुलाई दिएको छ ।

सन् २००८ मा लन्च भएको सो मोटरसाइकलको भर्सन २ सन् २०११ मा आएको थियो । धेरै वर्ष पश्चात सन् २०१९ मा यसको भर्सन ३ आएको थियो । यामाहाको भर्सन ३ अर्थात भी३ ले भारतीय र नेपाली बजारमा समेत यामाहाको पहिचानलाई एक कदम माथि उठाउन भूमिका खेलेको छ ।

यामाहा भी३ बजारमा उपलब्ध भएको करिव ४ वर्ष पुग्न थालेको छ । यो अवस्थामा यसको अर्को भर्सन कहिले आउछ भनेर कम्पनीले केही बताएको छैन । तर राइडरहरुले भने यसप्रति चासो राख्न थालिसकेका छन् । यसै सन्दर्भमा एक जना डिजिटल आर्टिस्ट अबिन डिजाइन्सले यसको नयाँ इमेज कस्तो होला भनेर रेन्डरिङ गरेका छन् । उनले आगामी दिनमा यामाहाले ल्याउने नयाँ जेनेरेसन मोडलको आर१५ भी४ यस्तो हुनुपर्छ भनेर देखाएका छन् ।

यसको हेडल्याम्प सुपर–सार्प आँखा जस्ता हुनेछन् भने डीआरएल समेत हुनेछ । अन्य आर सिरिजका मोटरसाइकल जस्तै यसको डिजाइन थिम हुनेछ । त्यसैगरी गोल्डेन कलरको यूएसडीले थप क्यारेक्टर देखाउने छ । त्यसैगरी यसको टेल सेक्सन डिजाइन पनि आकर्षक हुनेछ ।

यो एउटा डिजाइनरले अनुमान गरेको तस्बिर मात्र हो । यस्तै नै हुन्छ भन्ने छैन । तर पनि विगतको यामाहा आर१५ को डिजाइन इतिहास हेर्दा धेरै कुरा नमिल्ला भन्न सकिदैन ।