जेठको अन्त्यसम्मा मोटरहेड अपग्रेडेड एमएच १५० आर नेपाली बजारमा उपलब्ध हुने

काठमाडौं – मोटरहेडको नयाँ अपग्रेड गरिएको एमएच १५० आर बाइक नेपाली जेठको अन्त्यसम्ममा नेपालमा आइपुग्ने भएको छ । निषेधाज्ञाको कारण नेपाली बजार कस्तो हुने हो भन्ने निश्चित नभए पनि स्थिति सहज भएमा सो सयममा बिक्रीका लागि समेत उपलब्ध भइसक्ने आधिकारिक वितरक एसएलआर टेक्नो एन्ड ट्रेडले जनाएको छ ।

यो भन्दा पहिले मे महिना भित्रमा सो बाइक उपलब्ध भइसक्ने बताइएको थियो । हाल विषम परिस्थितिका कारण केही ढिलाई भएको छ ।

बाइकमा नयाँ सीजी १५० सीसीको इन्जिन हुनेछ । त्यसैगरी ब्यालेन्स साफ्ट, इन्भर्टेड सक, डबल डिस्क ब्रेक, नयाँ डिजाइनको मफलर, टफ च्यासिस र सिंगल एक्सिस ब्यालेन्सर हुनेछ । बाइकमा नयाँ क्याची टाइपको ग्राफिक्स समेत हुनेछ ।

ललितपुरको धोवीघाट, भक्तपुरको सल्लाघारी र काठमाडौंको बालाजूमा आधिकारिक वितरक एसएलआर टेक्नो एण्ड ट्रेडको आफ्नै सुविधासम्पन्न शोरुम छ । काठमाडौंको टेकु र मित्रपार्क सहित देशभर कम्पनीले डिलर नेटवर्कमार्फत मोटरहेड बाइकको बिक्री, बिक्री पछिको सेवा तथा स्पेयर पार्ट्स सेवा उपलब्ध गराइरहेको छ ।

जारी निषेधाज्ञा खुले पश्चात विर्तामोड, कावासोती, धादिङ र मन्थलीमा समेत थ्रीएस सेन्टर खोल्ने तयारी भइरहेको कम्पनीको भनाइ छ । हाल काठमाडौं उपत्यकाका साथै इटहरी, बुटवल, पोखरा आदि मुख्य सहरहरुमा मोटरहेडको थ्रीएस सेन्टर छ । आगामी दिनमा अन्य स्थानमा समेत थ्रीएस सेन्टर स्थापना गर्ने योजना रहेको बताइएको छ ।

पहिलेको मोडलको मूल्य २ लाख ८८ हजार रुपैयाँ थियो । अपग्रेडेड मोडलको मूल्य भने कम्पनीले अहिले सार्वजनिक गरेको छैन ।