हुन्डाईको यो कारले बनायो वर्ल्ड रेकर्ड : हाइड्रोजनका साथ चल्यो ९ सय किमी

हुन्डाईको एक कारले हाइड्रोजन इन्धनका साथ ९ सय किलोमिटरको यात्रा गरेर रेकर्ड कायम गरेको छ । हुन्डाई अष्ट्रेलियाको टिमले र्याली ड्राइभर ब्रेन्डन रिभेसका साथ सो रेकर्ड कायम गरेको हो । सो कारको नाम हुन्डाई नेक्सो हो ।

हुन्डाई नेक्सोले मेलबोर्न देखि ब्रोकन हिल सम्मको सो दुरी पार गरेर रेकर्ड कायम गरेको हो । वास्तविक रुपमा सो कारले यी दुई सहरका बीच रहेको ८८७.५ किलोमिटरको दुरी पार गरेको थियो ।

यो भन्दा पहिले सो रेकडए बर्टान्ड पिकार्डको नाममा थियो, जसले ७७८ किलोमिटरको दुरी पुरा गरेका थिए । रोचक पक्ष के छ भने पहिलेको रेकर्ड पनि हुन्डाई नेक्सोले नै बनाएको थियो । हुन्डाई नेक्सो हाइड्रोजनबाट चल्ने अष्ट्रेलियाको पहिलो कार पनि हो ।

हुन्डाई नेक्सोले आधिकारिक रुपमा सिंगल चार्जमा ६६० किलोमिटरको दुरी तय गर्छ । कम्पनीका अनुसार यो ३ देखि ५ मिनेटमै रिचार्ज हुन सक्छ । ब्रेन्डन रिभेसको सो रेकर्ड ट्रिपलाई कम्प्युटरले पनि रेकर्ड गरेको छ, जस अनुसार सो कारले अझै यो भन्दा पनि धेरै दुरी पार गर्ने सम्भावना छ ।

हुन्डाई नेक्सोले सो दुरी १३ घण्टा ६ मिनेटमा पार गरेको थियो । सो समयमा यसको औसत गति ६६.९ किलोमिटर प्रतिघण्टा थियो ।