सेल्फ र किक दुवैबाट स्टार्ट भएन बाइक ? यसो गरौ

हाल उपलब्ध अधिकांश स्पोर्ट्स बाइकमा सेल्फ स्टार्ट मात्र जडान गरिएको हुन्छ । सेल्फ स्टार्ट मात्र भएको बाइक कुनै कारणले बन्द भयो भने समस्या हुन सक्छ । यद्यपि बाइकलाई धक्का दिएर पनि स्टार्ट गर्न सकिन्छ । तर, यो विधि हरेक ठाउँमा प्रयोग गर्न सकिदैन । यसको लागि केही उपाय अपनाउनु पर्ने हुन्छ ।

बाइकलाई बिना सेल्फ र किकले स्टार्ट गर्नको लागि यो विधि निकै उपयोगी हुन्छ । यसको लागि केही टेक्निक लगाउनु पर्ने हुन्छ । सबैभन्दा पहिला बाइकलाई डब्बल स्ट्यान्डमा राख्नु पर्छ । त्यसपछि बाइकको ग्रिप जाँच गर्नु पर्छ । बाइक स्टार्ट गर्ने समयमा यो खस्नु भएन ।

बाइकलाई डबल स्ट्यान्डमा राखिसके पछि बाइकलाई टप गियरमा राख्नु पर्छ । त्यस पछि बाइकको पछाडिको टायरलाई अगाडि तर्फ घुमाउनु पर्छ । बाइकको टायरलाई झट्का दिएर अगाडि घुमाउदा इन्जिन स्टार्ट हुन थाल्छ । यसरी २÷३ पटक गर्दा बाइक स्टार्ट हुन्छ । सो विधि कुनै पनि अफ्ठेरो परिस्थितिमा प्रयोग गर्न सकिन्छ ।