कोरला नाकाबाट भित्रिएका ७७४ विद्युतीय कार सशस्त्र प्रहरीको नियन्त्रणमा

मुस्ताङको कोरोला नाकाबाट सशस्त्र प्रहरीले ७७४ युनिट विद्युतीय कार नियन्त्रमा लिएको छ ।

गलत कागज बनाएर भित्र्याएको सूचनाका आधारमा गाडीहरू नियन्त्रणमा लिएको र अहिले भन्सारका कर्मचारीले परीक्षण गरिरहेको सशस्त्र प्रहरीका केन्द्रीय प्रवक्ता डीआईजी विष्णुप्रसाद भट्टले जानकारी दिए ।

व्यवसायीले भने ती गाडी सरकारले कर बढाउनुअघि नै ल्याइएको दाबी गरेका छन् । तर कर छल्न पहिल्यै ल्याएका कागजात तयार गरिएको आशंका सशस्त्र प्रहरीले गरेको छ ।

म्याग्दीको सिमानासम्म पुगेका गाडी बुधबार राति नियन्त्रणमा लिइएको हो । नियन्त्रण्मा लिइएका गाडी विभिन्न ब्रान्डका छन् ।