बुकिङ खुलेको २४ घण्टामै टाटा सिएराले पायो ७२ हजार यूनिट अर्डर

टाटा सिएराले बुकिङ खुलेको २४ घण्टामै ७० हजार यूनिट अर्डर पाएको छ । डिसेम्बर १६ मा बुकिङ खुला भएपछि सिएरा एसयूभीले छोटो समयमै उत्साहजनक बुकिङ पाएको हो । त्यसैगरी, १ लाख ३५ हजार ग्राहकले आँफूलााई मनपर्ने कन्फिगरेसनबारे राय ब्यक्त गरेका छन् ।

७ वटा भेरिएन्टमा उपलब्ध नयाँ सिएराको सुरुवती मूल्य ११ लाख ४९ हजार भारु निर्धारण गरिएको छ । एसयूभी तीन इन्जिन अप्सनमा उपलब्ध हुनेछ । जसमा नयाँ १.५ लिटर डाइरेक्ट इन्जेक्शन टर्बो–पेट्रोल, १.५ लिटर प्राकृतिक रूपमा एस्पिरेटेड पेट्रोल इन्जिन र १.५ लिटर डिजेल यूनिट सामेल छन् ।

फिचरबारे कुरा गर्नुपर्दा, सिएराको उच्च भेरियन्टमा १२.३ इन्चको सेन्ट्रल टचस्क्रिन, १२.३ इन्चको प्यासेन्जर डिस्प्ले र १०.२५ इन्चको डिजिटल इन्स्ट्रुमेन्ट क्लस्टर सहितको ट्रिपल–स्क्रिन लेआउट राखिएको छ ।

एसयूभीमा केन्द्रमा उज्यालो टाटा लोगो भएको ४ स्पोक स्टेयरिङ ह्वील, डुअल–जोन अटोमेटिक क्लाइमेट कन्ट्रोल, प्यानोरामिक सनरुफ, पावर्ड टेलगेट, भेन्टिलेटेड फ्रन्ट सिट तथा रिक्लाइनिङ रियर सिट दिइएको छ ।

त्यसैगरी, नयाँ सिएरामा सेन्टर आर्मरेस्ट, रियर सनशेड, हेड–अप डिस्प्ले, १२–स्पिकर जेबिएल साउन्ड सिस्टम, वायरलेस एन्ड्रोइड अटो तथा एप्पल कार प्ले, लेभल २ एडास र ३६० डिग्री क्यामेरा जस्ता अत्याुधिनक विशेषता पाउन सकिन्छ ।