टेकुमा खुल्दै थ्रीएन इलेक्ट्रिक स्कुटरको शोरुम, देशभर विस्तार हुँदै

काठमाडौं – काठमाडौंको टेकुमा थ्रीएन इलेक्ट्रिक स्कुटरको शोरुम सञ्चालनको क्रममा रहेको छ । औपचारिक कार्यक्रममार्फत उक्त शोरुम केही दिनमै सञ्चालनमा आउने बताइएको छ ।

नेपालका लागि आधिकारिक वितरकको रुपमा नेपाल नेसनल ट्रेड इंकले यी स्कुटर उपलब्ध गराउने बताएको छ । काठमाडौं उपत्काको रविभवन र कोटेश्वर क्षेत्रमा समेत शोरुम केही दिनमै सञ्चालनमा आउने र उपत्यका वाहिरका मुख्य सहरमा पनि शोरुम सञ्चालन गरिने बताइएको छ ।

थ्रीएन ब्रान्डका एमक्यु, जेडएल–७, एच८–२, एच८–३, एन७–क्यु र सी९ स्कुटर र एम५ र फेइइङ मोटरसाइकल नेपाली बजारमा उपलब्ध हुनेछन् ।

जेल र लिथियम आयोन ब्याट्री अप्सनमा उपलब्ध हुने यी सवारी साधनमा ई–एबीएस सिस्टम रहेको छ । यसमा टेक्नोलोजिकल एस्थेटिक्स, युथफुल एपियरेन्स र स्टाइलिङ राइडको सुविधा छ ।

सिटमा इलेक्ट्रोनिक स्याडल लक, फ्रन्ट तथा रियर सक एब्जर्बर, स्मार्ट हेडलक, इन्टेलिजेन्ट सेक्युरिटी तथा अलार्म, रिभर्स फङसन, रिमोट तथा मेकानिकल कि लगायतका सुविधा रहेका छन् ।

यी स्कुटर तथा मोटरसाइकलको मूल्य ५५ हजार देखि ३ लाख रुपैयाँ सम्म तोकिएको छ । नेपाली बजारमा उपलब्ध अन्य इलेक्ट्रिक स्कुटर भन्दा फरक पहिचान भएको र विभिन्न सुविधायुक्त भएकाले नेपाली बजारमा यसले धेरैको ध्यान तान्ने अपेक्षा गरिएको कम्पनीको भनाइ छ ।