गाडीमा हुने ३६० डिग्री क्यामेराले कसरी काम गर्छ ? यो फिचर कति फाइदाजनक छ ?

सवारी साधनमा ३६० डिग्री क्यामेरा फिचर हुनु सामान्य भइसकेको छ । केही वर्षअघिसम्म सो फिचर प्रिमियम कारमा मात्र उपलब्ध थियो । तर अब यो बिस्तारै अन्य कारमा समेत सामान्य बन्दै गएको छ ।

कतिपयलाई यो सेफ्टी फिचर ग्राहकहरूलाई आकर्षित गर्नका लागि मात्र उपलब्ध गराइएको र यसले अनावश्यक रूपमा कारको मूल्य बढाएको जस्तो लाग्न सक्छ । तर यो गलत सोच हो । ३६० डिग्री क्यामेराको काम कारलाई सुरक्षित बनाउनु हो । सो फिचरले चालकलाई कार वरपरको दृश्य हेर्न मद्दत गर्छ ।

३६० डिग्री क्यामेरा कारका विभिन्न भागमा जडान गरिएको हुन्छ । यसलाई क्यामेरा र सफ्टवेयर मार्फत जोडिएको हुन्छ, जसलाई सिंगल स्क्रिनमा कारको इन्टेरियरमा देख्न सकिन्छ । यसले कार वरपरको गतिविधिहरू देखाउछ ।

३६० डिग्री क्यामेरा जडान गर्नका लागि कम्तिमा ४ वटा क्यामेराको आवश्यकता पर्छ । यसमा एउटा क्यामेरा अगाडि र एउटा क्यामेरा पछाडिको बम्परमा र दुईवटा क्यामेरा साइड मिररमा जडान गरिएको हुन्छ । तर, कतिपय महँगो कारमा ६ वटा क्यामेरा हुन्छ । यी सबै क्यामेराको भिजुअल एउटै स्क्रिनबाट देखिन्छ ।

३६० डिग्री क्यामेरा कारमा सेफ्टी फिचरको रुपमा उपलब्ध हुन्छ । यसले पार्किङलाई सुरक्षित र सजिलो बनाउँछ । चालकलाई आफ्नो कार वरपरका सवारी साधन, पैदल यात्री र अन्य वस्तुहरू हेर्न मद्दत गर्छ । सो फिचरले पार्किङ स्थलमा राम्रोसँग हेर्न र सुरक्षित रूपमा पार्क गर्न मद्दत गर्छ । साथै सो फिचरले चालकलाई अँध्यारो ठाउँमा हेर्न पनि मद्दत गर्छ ।

वास्तवमा यो फिचरले चालकलाई बढी दृश्यता प्रदान गर्छ, जसले चालकलाई कार वरपरको बारेमा थप सचेत हुन मद्दत गर्छ । यसले दुर्घटनाको अनुसन्धानमा सहयोग गर्छ । समग्रमा, कारमा ३६० डिग्री क्यामेरा धेरै लाभदायक फिचर हो ।

सम्बन्धित समाचारहरू

सेफ्टी ड्राइभिङ र कनेक्टिभिटीका लागि गुगल एन्ड्रोइड अटोमा एआई फिचर समावेश हुने

सेफ्टी ड्राइभिङ र कनेक्टिभिटीका लागि गुगल एन्ड्रोइड अटोमा एआई फिचर समावेश हुने

गुगलले सेफ्टी ड्राइभिङका लागि एन्ड्रोइड अटोमा आर्टिफिसियल इन्टेलिजेन्स...

ग्राहकको रोजाइ बन्दै कनेक्टेड टेक्नोलोजी भएका कार

ग्राहकको रोजाइ बन्दै कनेक्टेड टेक्नोलोजी भएका कार

हाल विश्वभर निर्माण भइरहेका सबै एसयूभीमा कार निर्माता कम्पनीहरुले...

ब्रेक र एक्सिलेटरमा खुट्टा कसरी राख्ने ?

ब्रेक र एक्सिलेटरमा खुट्टा कसरी राख्ने ?

ड्राइभिङ सिक्नु आजकल धेरै सजिलो भएको छ । कुनै पनि ड्राइभिङ स्कुल वा...

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...