हिरो एक्सपल्स सिरिजको मूल्य ३२ हजारसम्मले वृद्धि, २०० टीको मूल्य अव ३ लाख ८४ हजार

हिरोको सर्बाधिक लोकप्रिय वाइक एक्सपल्स सिरिज ३२ हजार रुपैयाँसम्मले महंगो भएको छ । नेपालका लागि आधिकारिक वितरक नेपाल जनरल मार्केटिङ प्रालिले नयाँ मूल्य सूची सार्वजनिक गर्दै एक्सपल्स सहित प्रायः सवैजसो मोडलका मोटरसाइकल र स्कुटरमा मूल्य वृद्धि गरिएको जानकारी दिएको छ ।

नयाँ मूल्य सूची अनुसार सवैभन्दा बढी एक्सपल्स २०० टीमा ३२ हजार रुपैयाँ वृद्धि गरिएको छ । यसअघि ३ लाख ५२ हजार रुपैयाँमा कारोबार हुँदै आइरहेको यो मोटरसाइकलको मूल्य ३ लाख ८४ हजार रुपैयाँ पु-याइएको हो ।

एक्सपल्सकै अन्य २ सिरिजहरु २०० र २०० फोरभीमा पनि मूल्य वृद्धि गरिएको छ । जसअनुसार २०० मा १४ हजार र फोर भीमा २ हजार ५ सय रुपैयाँ बढाइएको हो । यससँगै यसअघि ४ लाख ३ हजार ५ सय रुपैयाँमा बिक्री हुँदै आएको २०० को मूल्य ४ लाख १७ हजार ५ सय रुपैयाँ पुर्याइएको छ भने ४ लाख ५० हजारमा कारोबार भैरहेको फोर भीको ४ लाख ५२ हजार ५ सय रुपैयाँ पुगेको छ ।