२०२६ रोयल इन्फिल्ड गोआन क्लासिक ३५० अपडेटसहित लन्च

रोयल इन्फिल्डले आफ्नो बबर-शैलीको मोटरसाइकल २०२६ गोआन क्लासिक ३५० भारतमा अपडेटसहित लन्च  गरेको छ । यसमा कुनै ठूलो डिजाइन परिवर्तन नगरी दैनिक प्रयोगलाई अझ सहज बनाउने उद्देश्यले केही उपयोगी सुधारहरू गरेको छ।

२०२६ मोडलको लागि सबैभन्दा महत्त्वपूर्ण मेकानिकल अपडेट भनेको असिस्ट र स्लिपर क्लचको थप हो। यसले गियर परिवर्तनलाई अझ सहज बनाउनुका साथै ट्राफिकमा चलाउँदा थकान कम गर्ने अपेक्षा गरिएको छ। साथै पहिले उपलब्ध यूएसबी टाइप-सी पोर्टलाई फास्ट चार्जिङ समर्थन हुने गरी अपग्रेड गरिएको छ । यी परिवर्तनहरू बाहेक गोआन क्लासिक ३५० प्याकेज अघिल्लो मोडलजस्तै राखिएको छ।

सो बाइक स्ट्यान्डर्ड रूपमा ड्युअल च्यानल एबीएस, ३०० एमएम फ्रन्ट र २७० एमएम रियर डिस्क ब्रेक, पूर्ण एलईडी लाइटिङ सिस्टम र ट्रिपर नेभिगेसन पोडको साथ अर्ध-डिजिटल इन्स्ट्रयुमेन्ट क्लस्टर दिइएको छ ।

गोआन क्लासिक ३५० को लम्बाइ २,१३० एमएम, चौडाइ ८२५ एमएम र उचाइ १,२०० एमएम छ । यसको ह्विलबेस १,४०० एमएम, ग्राउन्ड क्लियरेन्स १७० एमएम र सिटको उचाइ ७५० एमएम छ। बाइकको कर्ब तौल १९७ किलोग्राम र इन्धन ट्याङ्की क्षमता १३ लिटर छ।

सो बाइकमा ३४९ सीसी, एयर- र आयल-कुल्ड, सिंगल-सिलिन्डर इन्जिनद्वारा संचालित छ। सो इन्जिनले ६,१०० आरपीएममा २०.२ बीएचपी र ४,००० आरपीएममा २७ एनएम टर्क उत्पादन गर्छ र ५ स्पिड गियरबक्ससँग जोडिएको छ।

यो बाइक यसको कस्टम-प्रेरित डिजाइनको लागि परिचित छ, जसले यसलाई स्ट्यान्डर्ड क्लासिक ३५० लाइनअपबाट अलग गर्छ। यसमा कम सिट उचाइ, फ्लोटिङ सिंगल सिट डिजाइन, एप-ह्याङ्गर ह्यान्डलबार र सेतो साइडवाल टायरहरू सहितको ट्युबलेस वायर स्पोक आल्मुनियम ह्विल दिइएको छ ।