नेपालमा टीभीएस एनटर्क १ लाख ५० हजार युनिट बिक्री

काठमाडौं–नेपालमा टीभीएस एनटर्क–१२५ १ लाख ५० हजार युनिट बिक्री भएको छ । सो अवसरमा टीभीएसको नेपालका लागि आधिकारिक वितरक जगदम्बा मोटर्सले बुधबार देशभरका शोरूमहरूमा सेलिब्रेट गरेको छ ।

कार्यक्रममा ग्राहक, राइडर तथा डिलरहरूको उल्लेख्य सहभागिता रहेको थियो । यो उपलब्धि बिक्री अंक मात्र नभई विश्वासको प्रमाण पनि भएको कम्पनीको दाबी छ ।

नेपाल आएदेखि नै एनटर्कले रेसिङ–इन्स्पायर्ड डिजाइन, दमदार परफर्मेन्स र स्मार्ट कनेक्टेड विशेषतामार्फत युवावर्ग र सहरी कम्युटरहरूबीच लोकप्रियता कमाउँदै आएको छ ।

जगदम्बा मोटर्सका कार्यकारी निर्देशक अखिल गुप्ताले ग्राहक, डिलर तथा साझेदारप्रति आभार व्यक्त गर्दै यो उपलब्धि नेपाली राइडरहरूको भरोसा र देशव्यापी सेवा नेटवर्कको प्रतिफल भएको बताए ।