१२३ वर्ष पहिले यसरी जन्मेको थियो कार निर्माता कम्पनी फियाट

काउन्ट इमानुएल काचेरानोले घोडाविहीन सवारी व्यवसायका लागि एक जना लगानीकर्ताको खोजी गरेको सार्वजनिक गरे । त्यो कुरा थाहा पाए पछि जियोभानी एग्नेली सो कार्यका लागि इच्छुक बने ।

यसरी सहकार्य गर्नका लागि एग्नेलीले ४ सय डलर तिरे र उनीहरुले फ्याब्रिका इटालियाना डी अटोमोबिली टोरिनो अर्थात फियाटको स्थापना गरे । यो १२३ वर्ष पहिले अर्थात सन् १८९९ को जुलाई ११ का दिन थियो ।

फ्याब्रिका इटालियाना डी अटोमोबिली टोरिनो इटालियन शब्द हो र अंग्रेजीमा रुपान्तरण गर्दा यसको अर्थ ‘इटालियन अटोमोबाइल फ्याक्ट्री, टुरिन’ हुन्छ । यसलाई नै छोटकरीमा एफआईएटी अर्थात फियाट वा फिएट भनिएको हो ।

फियाटको पहिलो फ्याक्ट्री सन् १९०० मा स्थापना भयो र म्यानेजिङ डाइरेक्टरको रुपमा एग्नेली नियुक्त भए । त्यो वर्ष ३५ कामदार थिए र २४ कार उत्पादन गरिए ।

उत्पादन बढ्दै गयो र सन् १९०४ मा १३५ तथा सन् १९०६ मा १ हजार १४९ कार उत्पादन गरिए । समयक्रममा फियाटले न्युयोर्क सिटीमा पहिलो डिलरसिप स्थापना ग¥यो ।

हाल फियाटका उत्पादन विश्वका धेरै देशमा प्रयोगमा आइरहेका छन् ।