१०० वर्ष पुग्यो एमजी : नेपालमा पुराना गाडीसँग एमजी जेडएस ईभी साट्न सकिने

काठमाडौं – जुनसुकै ब्रान्डका पुराना गाडीसँग एमजी जेडएस ईभी साट्न सकिने भएको छ । एमजी मोटर्स १०० वर्ष पुगेको अवसरमा नेपालका लागि एमजीको आधिकारिक वितरक पारामाउन्ट मोटर्सले सो एक्सचेन्ज अफर ल्याएको हो ।

पारामाउन्ट मोटर्सले पुराना गाडी ल्याएर आउने ग्राहकलाई उत्साहजनक फाइदाका साथै पुरानो गाडीका लागि आकर्षक एक्सचेन्ज रेट समेत दिने बताएको छ ।

एक्सचेन्ज अफरमा भाग लिन चाहने ग्राहकले बनेपा, नारायणगढ, बुटवल, भैरहवा, विराटनगर, बिर्तामोड, जनकपुर, पोखरा, धनगढी, दाङ र वीरगन्जमा रहेका एमजी डिलरहरूमा सम्पर्क राख्न सक्नेछन् ।

नेपाली बजारमा उपलब्ध एमजी जेडएस ईभी कम्फर्ट भेरिएन्टमा उपलब्ध छ । यसको मूल्य ५२ लाख ९९ हजार रुपैयाँ तोकिएको छ ।

यस्तो छ जेडएस ईभी
एमजीको ग्लोबल डिजाइनमा आधारित जेडएस ईभीमा जडान गरिएको ब्याट्रीलाई आधा घण्टामै ८० प्रतिशत चार्ज गर्न सकिन्छ । यसको ब्याट्रीले सिंगल चार्जमै ३२० किलोमिटर रेन्ज प्रदान गर्ने दावी गरिएको छ । सो एसयूभीको ब्याट्री वारेन्टी भने ८ वर्षको रहेको छ ।

सुरक्षाको लागि यसमा ६ वटा एयरब्याग, ईएसपी, ईएबी, एचडीसी, अटो होल्ड जस्ता फिचरहरु राखिएका छन् भने मनोरन्जनका लागि डीएबी रेडियो र ब्लुटुथयुक्त १०।१ इन्चको इन्फोटेनमेन्ट सिस्टम आदि उपलब्ध छ । यसको डिलक्स भेरिएन्टमा दिइएको पानारोमिक सनरुफ, हिटेड फ्रन्ट सिट, वायरलेस चार्जर, ३६० डिग्री क्यामेरा, थ्रीडी साउन्ड सिस्टम र रुफरेल लगायत फिचर कम्फर्ट भेरिएन्टमा भने पाउन सकिँदैन ।

यसमा ड्राइभरको लागि ७ इन्चको डिजिटल इन्स्ट्रयुमेन्ट क्लस्टर, किलेस इन्ट्री र स्टार्ट, ड्राइभरको लागि सिक्सवे र फ्रन्ट प्यासेन्जरको लागि फोरवे इलेक्ट्रिकल एड्जस्टेबल लेदर पावर सिट, दुईवटा आईसोफिक्स चाइल्ड सिट एन्कोरेज पोइन्टहरू ९आउटर रियर सिटहरू०, ६०र४० फोल्डिङ रियर सिट, पावर–फोल्डिङ जस्ता फिचरहरु पाउन सकिन्छ ।

१०० वर्षमा एमजी
एमजीको पुरा रुप मोरिस ग्यारेज हो । सन् १९२४ मा बेलायतको अक्सफोर्डस्थित एक ग्यारेजमा स्थापना भएको थियो । यो मोरिस कारको एक डिभिजनको रुपमा यसको स्थापना भएको थियो । त्यसैले यसलाई एमजी अर्थात मोरिस ग्यारेज भनिएको हो । सेसिल किम्बर यसका संस्थापक थिए । पहिलो स्पोर्ट्स कारको रुपमा ‘वर्ल्ड नम्बर वान कार’ सार्वजनिक भएको थियो ।