मर्सिडिज बेन्जले इक्यूई सेडान र एसयूभीको उत्पादन बन्द गर्ने

जर्मन कार निर्माता मर्सिडिज बेन्जले २०२६ मा इक्यूई सेडान र एसयूभीको उत्पादन बन्द गर्ने योजना बनाएको छ । यी कार इलेक्ट्रिक भर्सनमा समेत आउने कारण बन्द गर्न लागिएको हो ।

इक्यूईलाई सी क्लास इक्यू र जीएलसी इक्यूले प्रतिस्थापन गर्ने जनाइएको छ । यी दुबै मोडल मर्सिडिजको नयाँ ८०० भोल्ट एमबी.इए–एम प्लेटफर्ममा आधारित छन् ।

मर्सिडिजले २०२६ मा इक्यूईको उत्पादन बन्द हुने आधिकारिक रूपमा पुष्टि नगरेपनि कम्पनीका प्रबक्ताले यसलाई प्रतिस्थापन गर्नेगरी इलेक्ट्रिक सेडान ई–क्लास ईक्यूलाई २०२७ मा लन्च गर्ने घोषणा गरेका हुन् ।

२०२२ मा लन्च भएदेखि नै इक्यूई सेडान र एसयूभीले निरन्तर अपडेटहरू प्राप्त गर्दै आएको छ । सो कार २०२३ मा भारतमा समेत लन्च गरिएको थियो ।