अपडेट भएर आयो यामाहा फेसिनो १२५, मूल्य कति ?

यामाहको स्टायलिस स्कुटर फसिनो १२५ अपडेट भएर आएको छ । पहिलेभन्दा थप आकर्षक लुक्समा आएको फेसिनो १२५ एफआई हाइब्रिडको सुरुवाती मूल्य ७६ हजार ५०० भारु निर्धारण गरिएको छ । स्कुटर तीन भेरिएन्टमा उपलब्ध छ ।

२०२६ फेसिनो १२५ एफआई हाइब्रिडमा पुनः डिजाइन गरिएको टेललाइट र टर्न सिग्नल तथा फ्रेस डेकल्सका साथ स्कल्प्टेड टेल सेक्सन उपलब्ध गराइएको छ । स्कुटरको समग्र लम्बाइ १ हजार ९२० मिमीबाट १ हजार ७८० मिमीमा झारिएको छ ।

सो नयाँ स्कुटरमा पहिलेकै १२५ सीसी, एयर–कूल्ड इन्जिन जडान गरिएको छ, जुन स्मार्ट मोटर जेनेरेटर (एसएमजी) सँग जोडिएको छ । यसले ६,५०० आरपीएममा ८.०८ बीएचपी र ५,००० आरपीएममा १०.३ एनएम टर्क जेनेरेट गर्दछ ।

फेसिनोमा साइलेन्ट स्टार्ट, स्टार्ट÷स्टप सिस्टम, इनहान्स्ड पावर असिस्ट र टर्न–बाई–टर्न नेभिगेसन तथा आन्सर ब्याक फंक्सन सहितको रंगीन टीएफटी इन्स्ट्रुमेन्ट कन्सोल जस्ता सुविधाहरु उपलब्ध गराइएको छ ।