३ वर्षमा २ लाख ५० हजार युनिट बिक्री भयो जिकरको यो प्रिमियम ईभी

काठमाडौं– चिनियाँ अटो निर्माता जिलीले उत्पादन गरेको प्रिमियम ईभी जिकर ००१ तीन वर्षको छोटो अबधीमै २ लाख ५० हजार युनिट बिक्री भएको छ । सन् २०२१ अप्रिलमा लन्च भएको जीकर ००१ लाई कम्पनीले अक्टोबरदेखी डेलिभरी गर्न सुरु गरेको थियो ।

जिकरका अनुसार सो ईभीले चिनमा सबैभन्दा छिटो बिक्री हुने मोडलका रुपमा आफ्नो पहिचान कायम गरेको छ । ३४ हजार ३०० डलरमाथि मुल्य पर्ने सेग्मेन्टमा जिकर ००१ सर्बाधिक बिक्री हुने मोडल समेत बनेको कम्पनी दाबी छ । यो कार गत नोभेम्वर महिनामा मात्र ६ हजार ६०३ युनिट बिक्री भएको थियो ।

कुल ६ वटा ट्रिममा उपलब्ध जिकर ००१ को सुरुवाती मुल्य ३५ हजार ५०० डलर कायम गरिएको छ । जिलीको एसईए प्लटेफर्ममा निर्माण गरिएको सो कार ४ हजार ९७७ मिलिमटिर लामो, १ हजार ९९९ मिलिमिटर चौडा र १ हजार ५३३ मिलिमिटर अग्लो तथा ह्विलवेश ३ हजार ५ मिलमिटर छ ।

८०० हाई भोल्टेज प्लेटफर्म सेयर गरी तयार पारिएको जिकर ००१ मा रियर ह्विल र अल ह्विल ड्राइभ अप्सन दिइएको छ । कारलाई २४० किलोमिटर प्रति घण्टाको उच्च गतिमा हाँक्न सकिन्छ । सो कारमा जिलीले सिएटिएलद्धारा निर्मित ९५ किलोवाट आवर तथा १०० किलोवाट आवर क्षमताको ब्याट्री प्याक अप्सन दिएको छ । कारले सिंगल चार्जमा ७५० किलोमिटर सम्म रेन्ज दिने दाबी गरिएको छ ।

जिकर नेपाली बजारमा समेत उपलब्ध रहँदै आएको प्रिमियम ईभी ब्रान्ड हो । नेपाली बजारमा यसको एक्स मोडल हालै लन्च भएको छ । जसमध्ये, रियर–ह्विल–ड्राइभलाई ८५ लाख र अल–ह्विल–ड्राइभलाई १ करोड ५५ लाख रुपैयाँ पर्छ । शारडा ग्रुप अन्तर्गतको एसपिजी अटोमोबाइल्सले बिक्री गर्दै आएको यो कार पछिल्लो समय प्रिमियम ईभी पारखीमाझ लाकेप्रिय वनिरहेको छ ।