प्रिमियम लुकसहित यामाहा एक्सएसआर १५५ नयाँ मेटालिक ब्ल्याक कलरमा उपलब्ध

यामाहाले आफ्नो लोकप्रिय मोटरसाइकल यामाहा एक्सएसआर १५५ का लागि नयाँ मेटालिक ब्ल्याक कलर पेश गरेको छ। नयाँ रङले सो बाइक अझ आकर्षक र प्रिमियम देखिएको छ।

यसअघि नै मेटालिक ब्ल्याक, भिभिड रेड, मेटालिक ग्रे र ग्रेइश ग्रीन मेटालिक जस्ता विभिन्न रङमा उपलब्ध रहेको सो मोटरसाइकल अब मेटालिक ब्ल्याक शेडमा पनि पाइने भएको छ । रङ र भेरिएन्टअनुसार यसको मूल्य करिब १ लाख ५ हजारदेखि २ लाख भारुसम्म निर्धारण गरिएको छ।

एक्सएसआर १५५ सन् २०२५ नोभेम्बरमा प्रिमियम १५५ सेगमेन्टमा पेश गरिएको थियो । यसमा १५५ सीसी क्षमताको लिक्विड कुल्ड, भेरिएबल भल्व एक्चुएसन प्रविधियुक्त फोर भल्व इन्जिन जडान गरिएको छ । सो इन्जिनले १३.५ किलोवाट पावर र १४.२ एनएमको टर्क उत्पादन गर्छ । मोटरसाइकलमा असिस्ट तथा स्लिपर क्लचसहित ६ स्पिड गियरबक्स जडान गरिएको छ ।

सो मोटरसाइकल यामाहाको डेल्टाबक्स फ्रेममा निर्माण गरिएको छ र यसमा आल्मुनियम स्विङआर्म प्रयोग गरिएको छ। पछाडितर्फ लिङ्क्ड प्रकारको मोनोक्रस सस्पेन्सन उपलब्ध छ । ब्रेकिङ सिस्टमको लागि अगाडि र पछाडि दुवैपट्टि डिस्क ब्रेक जडान गरिएको छ र ड्युअल च्यानल एन्टिलक ब्रेकिङ सिस्टम स्ट्यान्डर्डको रूपमा समावेश गरिएको छ।

डिजाइनका हिसाबले सो बाइकमा रेट्रो शैलीलाई आधुनिक प्रविधिसँग जोडिएको छ । यसमा १७ इन्चका पाङ्ग्रा, गोलाकार हेडलाइट र क्लासिक लुक दिइएको छ । हल्का तौलको च्यासिस र सन्तुलित सिटिङ पोजिसनका कारण सो मोटरसाइकल दैनिक सवारी तथा सहरी प्रयोगका लागि उपयुक्त मानिन्छ।