आउँदै छ यामाहाको नयाँ आर१५ भर्सन : आर१५एस

यामाहा मोटर इन्डियाले आर१५ को अर्को भर्सन लन्च गर्ने तयारी गरिरहेको छ । हालै लिक भएको एक टाइप एप्रुभल सर्टिफिकेट अनुसार नयाँ भर्सनमा ‘एस’ ट्याग हुनेछ र यो हाल उपलब्ध आर१५ भी३ को रिब्रान्डेड भर्सन हुनेछ र केही नयाँ कलर सहित आउने छ ।

डकुमेन्टमा उल्लेख गरिए अनुसार उक्त बाइकमा बीएस६ मापदण्डयुक्त १५५ सीसी इन्जिन हुनेछ, जसले १० हजार आरपीएममा १३.७ किलोवाट पावर आउटपुट दिनेछ । त्यसैगरी यसको बेस मोडल १९९० एमएम लामो, ७२५ एमएम फराकिलो र ११३५ एमएम अग्लो हुनेछ भने ह्विलबेस १३२५ एमएम हुनेछ ।

डकुमेन्ट अनुसार यसको पावर आउटपुट हाल उपलब्ध आर१५ भी३ जस्तै हुनेछ । यद्यपि यसको मूल्य भने हालको भी३ भन्दा केही सस्तो हुन्े अनुमान गरिएको छ । भारतमा केही दिन पहिले आर१५ भी४ समेत सार्वजनिक भइसकेको छ । नेपाली बजारमा केही दिन पहिले मात्र बीएस६ मोडलको आर१५ भी३ बिक्रीका लागि उपलब्ध भएको छ । यसको मूल्य ४ लाख ९९ हजार ९ सय रुपैयाँ तोकिएको छ ।