औपचारिक रुपमै लन्च भयो नेपालमा यामाहा बीएस६ एफजेड–एस एफआई

काठमाडौं – नेपाली बजारमा यामाहाका बीएस६ मोडलका दुई मोटरसाइकल औपचारिक रुपमा लन्च भएका छन् । यामाहाको नेपालका लागि आधिकारिक वितरक एमएडब्ल्यु इन्टरप्राइजेजले आज एक कार्यक्रमको आयोजना गरी यी दुई मोटरसाइकल सार्वजनिक गरेको हो ।

एक्सकनेक्ट फिचरसहित उपलब्ध यो मोटरसाइकलमार्फत अब विभिन्न फिचर प्रयोग गर्न सकिन्छ । यामाहा एक्सकनेक्ट एप प्रयोग गरी पार्किङ लोकेसन, राइडिङ हिस्ट्री आदि हेर्न सकिन्छ । यसमा थ्रीडी स्टिकर समेत रहेको छ ।

सुरक्षाको हिसाबले यो मोटरसाइकल निकै नै महत्वपूर्ण छ । यसमा भएको डिफल्ट कोडलाई अनलक गरेर मात्र मोटरसाइकल स्टार्ट गर्न सकिन्छ ।

विभिन्न ५ कलर अप्सन मध्ये अन्य कलरयुक्त मोटरसाइकलको मूल्य ३ लाख ७९ हजार ९ सय र डार्क नाइट कलरयुक्त मोटरसाइकलको मूल्य ३ लाख ८४ हजार ९ सय रुपैयाँ तोकिएको छ ।

यो मोटरसाइकलमा १४९ सीसीको एयरकुल्ड फोर स्ट्रोक, एसओएचसी इन्जिन जडान गरिएको छ, जसले १२.४ पीएस पावर र १३.३ एनएम टर्क जेनेरेट गर्छ । सिंगल च्यानल एबीएस रहेको यो मोटरसाइकलमा १३ लिटरको इन्धन ट्यांकी रहेको छ ।

त्यसैगरी यामाहाको बीएस६ इन्जिनयुक्त आर१५ भी३ पनि नेपाली बजारमा उपलब्ध भएको छ । यसमा १५५ सीसी लिक्विड सिंगल सिलिन्डर एफआइ भीभीए इन्जिन रहेको छ । उक्त इन्जिनले १९.३ पीएस पावर र १४.७ एनएम टर्क जेनेरेट गर्छ । यसको इन्जिनमा सिक्स-स्पीड ट्रान्समिसन उपलब्ध छ । त्यसैगरी गियरमा स्टार्ट नहुने सिस्टम यसमा थप भएको छ ।स्लिपर कल्च, गियर इन्डिकेटर, ट्रिप मिटर, एलसीडी कन्सोल जस्ता फिचर यो मोटरसाइकलमा रहेको छ ।

यो मोटरसाइकलको मूल्य ४ लाख ९९ हजार ९ सय रुपैयाँ तोकिएको छ । नेपाली बजारमा उपलब्ध बीएस४ आर१५ भी३ को तुलनामा यसको मूल्य ४ हजार रुपैयाँ मात्र बढी छ । यो ग्रे, रेड र रेसिङ ब्लु गरी तीन कलर अप्सनमा उपलब्ध हुनेछ ।