यामाहा स्कुटरको भव्य माइलेज, ‘नाउ आई एम ७१.३३ केएमपीएल’ अभियान सार्वजनिक

काठमाडौं - इन्धनको मूल्य निरन्तर उच्च हुँदै गएको वर्तमान समयमा यमाहा नेपालले आफ्नो नयाँ अभियान एक लिटरमा ७१.३३ किलोमिटर 'Now I am 71.33 kmpl' सार्वजनिक गरेको छ। यो अभियान नेपालको बजारमा हाइब्रिड प्रविधिको सफल प्रयोग र स्थापना मनाउने अवसरका रूपमा ल्याइएको हो।

नेपालकै एकमात्र हाइब्रिड इन्जिनयुक्त स्कुटर यमाहा रेजेडआर-१२५ एफआई (RayZR 125-FI) हाइब्रिड अब केवल रोजाइको वस्तु मात्र नभएर, दैनिक जीवनका लागि आर्थिक र भरपर्दो समाधानको रूपमा प्रस्तुत भएको छ।

रे जेडआर हाइब्रिडका विभिन्न फाइदाहरु रहेका छन् । साधारण १२५ सीसी स्कुटरले औसत ४०–४५ किलोमिटर प्रतिलिटर माइलेज दिन्छ भने रे जेडआर हाइब्रिडले ७१.३३ किलोमिटर प्रतिलिटर प्रदान गर्दछ, जसले लगभग ४० प्रतिशत बढी माइलेज सुनिश्चित गर्छ। सहरमा दैनिक प्रयोग गर्दा, यसले चालकको गोजीमा हजारौं रुपैयाँ बचत गराउँछ। ३ वर्षमा इन्धन बचतमार्फत स्कुटरको लागतको १ लाख रूपैयाँभन्दा बढी बचत सम्भव भएको कम्पनीको भनाइ छ ।

हाइब्रिड प्रविधिका विभिन्न विशेषताहरु रहेका छन् । यो यस सेग्मेन्टमै पहिलो हाइब्रिड प्रविधि हो । यसमा भएको स्मार्ट मोटर जेनेरेटर (एसएमजी) ले सुरुवाती गति र उकालोमा पावर असिस्ट प्रदान गर्छ। त्यसैगरी हलुका डिजाइन अर्थात केवल ९९ केजी तौल भएको रे जेडआर काठमाडौंका साँघुरा गल्ली र भारी ट्राफिकमा सजिलै चलाउन सकिन्छ । यसमा उन्नत एफआई र स्टप÷स्टार्ट प्रणाली भएका कारण ट्राफिक लाइटमा इन्धनको धेरै खर्च नगरी माइलेज बढाउँछ।

यमाहा नेपालले यो हाइब्रिड खरिद गर्ने ग्राहकहरूका लागि ५ वर्षसम्म निःशुल्क सर्भिसिङ सुविधा प्रदान गर्ने घोषणा गरेको छ। यमाहा नेपालका सीईओ दीपक कुमार अग्रवाल भन्छन्, ‘यो अभियान ती हजारौं सन्तुष्ट चालकहरूको आवाज हो जसले ७१.३३ किमी÷लिटर माइलेज अनुभव गरिसकेका छन्। हामी ग्राहकको खर्चको चिन्ता हटाउन यहाँ छौं।’

आफ्नो कार्यक्षमता बाहेक, यामाहा रे जेडआर हाइब्रिड एक प्रविधिमैत्री आइकनको रूपमा रहेको छ, जसमा वाई–कनेक्ट ब्लुटुथ कनेक्टिभिटी, सुरक्षाका लागि साइड–स्ट्यान्ड इन्जिन कट–अफ र २१ लिटरको अन्डर–सिट स्टोरेज जस्ता सुविधाहरू छन्। यो प्रदर्शन, शैली र बजारकै सबैभन्दा स्मार्ट इकोनोमी खोज्ने चालकहरूका लागि एक उत्कृष्ट रोजाइ भएको यामाहा नेपालको भनाइ छ ।