४ लाख ६० हजार मूल्य भएको यामाहा एमटी–१५ बीएस६ को बढ्दो क्रेज

यामाहालाई धेरैले स्पोर्ट्स बाइक ब्रान्डको पर्यायबाचीको रुपमा लिन्छन् । यसैगरी यामाहाका धेरै मोडल मध्ये एमटी अर्थात मास्टर अफ टर्क एक हो । वाइल्ड डिजाइन र टर्कको सम्मिश्रण भएको यो बाइकको क्रेज नेपाली युवा राइडरमाmभ निकै छ । यसका विभिन्न मोडल नेपाली बजारमा समेत उपलब्ध भएकोमा पछिल्लो समयमा नेपाल भित्रिएको एमटी–१५ को लोकप्रियता चुलिदो छ ।

गत वर्ष अर्थात सन् २०२१ को सेप्टेम्बर २४ का दिन राजधानीको भृकुटीमण्डपमा संचालित एक्सचेन्ज मेलामा यामाहाको एमटी–१५ बाइक लन्च गरिएको थियो । एकै दिन दुई सय भन्दा बढी बाइक बिक्री तथा डेलिभरी गरेर चर्चामा आएको सो बाइकको माग त्यसयता पनि निरन्तर रुपमा बढिरहेको नेपालका लागि यामाहाको आधिकारिक वितरक एमएडब्ल्यु इन्टरप्राइजेजले बताएको छ । अप्रत्याशित रुपमा यसको माग धेरै भएको र युवा राइडरहरु यसका लागि जति समय पनि पर्खिन तयार भएको कम्पनी स्रोतले बताएको छ ।

एमटी–१५ एउटा प्योर ब्रिड हाइपर नेकेड बाइक हो, जो एमटी स्टेबलबाट सबैभन्दा गतिशील र कम वजन भएको बाइक हो । यसको टर्क र एजिलिटीको ब्यालेन्स पोस्चर तथा सिंगल च्यानल एबीएसका लागि यो बाइक प्रख्यात छ । उक्त हाइपर नेकेड बाइकले राइडरले खोजेको रोमाञ्चकता मात्र प्रदान नगरी राइडरमा एक प्रकारको आत्म विश्वास समेत जगाउँदछ ।

यामाहाको १५५ सीसी इन्जिनयुक्त एमटी–१५ पहिले देखि नै बलियो र रुचाइएको बाइक थियो । अहिले बीएस६ मापदण्डयुक्त इन्जिनका साथ यसमा अन्य धेरै विशेषता समेत थपिएका छन् । यसमा भएको विशिष्ट खालको ईसीयू मोडल, राम्रो एक्सिलरेसनका लागि भीभीए इन्जिन तथा राइडिङलाई अझै फास्ट गर्नका लागि अप्टिमाइज्ड सेकेन्डरी रिडक्सन गियर रेसियो एवं सहज गियरसिफ्टका लागि एएस क्लच उपलब्ध छ । त्यसैगरी राइडरलाई सहजता प्रदान गर्न यसमा मोटार्ड जस्तो राइडिङ पोजिसन हुन्छ भने उत्कृष्ट स्टपिङ पावरका लागि सिंगल च्यानल एबीएससहितको २८२ एमएमको फ्रन्ट डिस्क ब्रेक जस्ता उत्कृष्ट विशेषताहरुले यसमा आकर्षण थपेको छ ।

टर्क र एजिलिटी अभिव्यक्त गर्ने यो बाइकको उत्कष्ट डिजाइनलाई डायनामिक फ्रन्ट फेस स्टाइलिङ हेडलाइट, भर्टिकल हेडलाइटसहितको छोटो ब्याकटेल र समग्र ग्राफिक्स र डिजाइनले यसलाई अझ विशेष बनाएको छ । यामाहाले विश्व स्तरमै आफ्ना उत्पादन र ग्राहकलाई बिक्री पश्चातको सेवा प्रदान गरिरहेको र यसैका कारण नै सबैको यसप्रति अटुट विश्वास भएको बताएको छ । त्यसैलाई निरन्तरता दिदै नेपालमा समेत बिक्री पछिको उत्कृष्ट सेवा उपलब्ध गराइरहेको कम्पनीको भनाइ छ ।

नेपाली बजारमा एमएडब्ल्यु इन्टरप्राइजेजले आफ्ना उत्पादनमार्फत ४६ वर्ष देखि सेवा उपलब्ध गराउदै आएको बताएको छ । ग्राहकहरूको जीवनशलैीलाई माथि उठाउने मुख्य उद्देश्यका साथ एमएडब्ल्यु इन्टरप्राइजले नेपाली अटो ससांरलाई आजको अवस्थासम्म ल्याउनमा ठूलो भूमिका खेलेको बताएको छ । देशभर यामाहाका सेवा केन्द्रहरू भएका करिब १०० यामाहा शोरुमहरू रहेका छन् । नेपालभरी यामाहाका १९६ स्पेयर पार्ट्स आउटलेटहरू र सर्भिस प्वाइन्टका साथै ८६ भन्दा बढी नयाँ एफआई स्टेशनहरू रहेका छन्, जहाँ सेवाग्राहीले एफआई बाइक र स्कुटरका लागि स्वास्थ्य कार्ड प्राप्त गर्न सक्नेछन् ।

एमएडब्ल्यु इन्टरप्राइजेजका सीईओ राजु क्षेत्रीले यो बाइकप्रति देखाएको अतुलनीय विश्वासका लागि सबैलाई धन्यवाद दिदै ग्राहकहरुका लागि आगामी दिनमा समेत नयाँ नयाँ प्रविधि र उत्पादन उपलब्ध गराउदै जाने बताए ।

नेपाली बजारमा यो बाइकको मूल्य ४ लाख ५९ हजार ९ सय रुपैयाँ तोकिएको छ । प्राविधिक रुपमा हेर्दा १३८ किलोग्रामयुक्त एमटी मोडलको यो एड्भान्स्ड हाइपर नेकेड र डाइनामिक बाइकले धेरै राइडरको मनलाई अझै लोभ्याउने कुरामा कम्पनी विश्वस्त भएको बताइएको छ ।