नो प्रोब्लम फर पेट्रोल प्राइस : प्रविधि र माइलेज दुवैका लागि उपयुक्त छन् यामाहाका यी मोटरसाइकल

इन्धनको मूल्य घट्ने छाटकाट अझै देखिएन । यो अवस्थामा इलेक्ट्रिक सवारी साधन किन्नेहरु बढिरहेका छन् । यद्यपि कतिपयलाई इलेक्ट्रिक सवारी साधन प्रयोग नगरी पेट्रोलियम पदार्थबाट चल्ने सवारी साधन नै चढ्ने रहर हुन्छ नै ।

यो अवस्थामा बजारमा उपलब्ध धेरै माइलेज दिने सवारी साधनको खोजी गर्नु आवश्यक हुन्छ । नेपालमा यामाहाका बाइक बिक्री–वितरण गरिरहेको एमएडब्ल्यु इन्टरप्राइजेजका स्कुटर यसका लागि राम्रो विकल्प हुन सक्छन् । तर मोटरसाइकल नै चढ्न चाहनेका लागि समेत बेस्ट माइलेज दिने बाइक उपलब्ध भएको एमएडब्ल्युको भनाइ छ ।

यामाहाका मोटरसाइकल प्रविधि र इन्जिन स्पेसिफिकेसनका कारण धेरैको रोजाइमा भएर पनि राम्रो माइलेजका लागि समेत राम्रो भएको बताइन्छ । ती मध्ये यामाहाले पछिल्लो समयमा भित्र्याएको एमटी–१५ बीएस६ एक हो ।

एमटी–१५ बीएस६ लाई केही समय पहिले नेपाली बजारमा १ हजार युनिट बिक्री गरेको समाचार सार्वजनिक भएको थियो । ग्लोबल मार्केटमै धेरै माग भएको र मेजर इलेक्ट्रोनिक कम्पोनेन्टको अभावका कारण कम्पनीले आवश्यक संख्यामा यो मोटरसाइकल बजारमा उपलब्ध गराउन सकेको छैन । नेपालमा पनि धेरै राइडरहरु यो मोटरसाइकलको प्रतीक्षामा छन् ।

मास्टर अफ टर्क अर्थात एमटी भनिने यो मोटरसाइकललाई बाइकर्स वर्ल्डमा धेरै टाइटल दिइएको छ । यो टेक्नोलोजिकल्ली एड्भान्स्ड हाइपर नेकेड र डाइनामिक बाइकले ४५ किलोमिटर प्रतिलिटर भन्दा बढी माइलेज दिने कम्पनीको दावी छ । यसको मूल्य ४ लाख ८३ हजार ९ सय रुपैयाँ छ ।

यामाहाको एफजेडएस भी३ एक्स–कनेक्ट अर्को लोकप्रिय मोटरसाइकल हो । सन् २०१९ मा नै ग्याङ अफ रोडिजका साथ अपर मुस्ताङको लो मान्थाङ पुगेर यसले ९ दिनमा १ हजार ३ सय किलोमिटर भन्दा बढी दुरीको यात्रा पुरा गरिसकेको छ । अनयिल्डिङ पर्फमेन्स र अप्टिमम माइलेजका लागि निर्मित गरिएको भनिने यो मोटरसाइकल पहिलो पटक सन् २००८ मा ‘लर्ड अफ द स्ट्रिट’ ब्यानर अन्तर्गत लन्च गरिएको थियो । त्यसपछि लगातार यो मोटरसाइकलले नेपाली राइडरहरुको मन जितिरहेको छ ।

यामाहाको ब्लुकोर कन्सेप्ट र नयाँ फिचरको रुपमा साइड स्ट्यान्ड कटअफ स्विच तथा कनेक्ट–एक्स उपलब्ध भएको यो मोटरसाइकलले सहरी क्षेत्रमा ५० किलोमिटर भन्दा बढी माइलेज दिने कम्पनीको दावी छ । यसको मूल्य ३ लाख ९४ हजार ९ सय रुपैयाँ छ ।

एफजेड भी२ यामाहाको अर्को उपयुक्त मोटरसाइकल हो । पहिलो पटक सन् २०१४ मा लन्च गरिएको यो मोटरसाइकलले पर्फमेन्स र माइलेजका कारण लाखौ युवाहरुले रुचाएका छन् । १३२ किलोग्राम तौल भएकाले हलुका मानिने यो मोटरसाइकलले ५० किलोमिटर भन्द्या बढी माइलेज दिने बताइन्छ । विशेष गरी सिटी कम्युट र हाइवे राइडर्सका लागि उपयुक्त यो मोटरसाइकलको मूल्य ३ लाख २३ हजार ९ सय रुपैयाँ छ ।

एफजेडएस भी२ यो सेगमेन्टको सबैभन्दा कम मूल्यमा उपलब्ध हुने फ्युल इन्जेक्टेड बाइक मानिन्छ । सिटी राइड र हाइवेका लागि प्रयोग गर्न सकिने उपयुक्त मूल्यमा उपलब्ध हुने आधुनिक प्रविधियुक्त मोटरसाइकल खोज्नेका लागि यो उपयुक्त विकल्प बन्न सक्छ । ५० किलोमिटर भन्दा बढी माइलेज दिने दावी गरिएको यो मोटरसाइकलले इन्जिनमा आवश्यक मात्रामा इन्धन उपलब्ध गराउनका लागि एड्भान्स्ड सेन्सर र एक्चुएटरको प्रयोग गर्छ । न्यु–एज स्ट्रिट फाइटर भनिने यो मोटरसाइकलको मूल्य ३ लाख ४७ हजार ९ सय रुपैयाँ छ ।

अन्य रेगुलर कम्युटिङ बाइक जस्तै पर्फमेन्स देखाउने यामाहाको नयाँ मोटरसाइकल आर१५एम ट्रयाक्सन कन्ट्रोल सिस्टम र क्विक सिफ्टर सहित उपलब्ध छ, जसले दिने उच्च पावर र टर्कका कारण यो साँच्चिकै रेसिङ बाइक जस्तो लाग्छ । ४० किलोमिटर प्रतिलिटर माइलेज दिने दाबी गरिएको यो मोटरसाइकलको मूल्य ५ लाख ८७ हजार ९ सय रुपैयाँ छ ।