प्रतीक्षामा यामाहा एफजेड–एक्स नियो–रेट्रो मोटरसाइकल

यामाहा मोटर इन्डियाले छिट्टै नै भारतमा नयाँ एफजेड–एक्स नियो–रेट्रो मोटरसाइकल उतार्ने तयारी गरिरहेको छ । हालै सो मोटरसाइकल देखिएको थियो । आगामी केही महिनामै यो मोटरसाइकल बिक्रीका लागि उपलब्ध हुनेछ ।

यो मोटरसाइकल यामाहाको १५० सीसी सेगमेन्टमा सामेल हुनेछ । मोटरसाइकल निकै नै स्टाइलिस र स्पोर्टी हुनेछ, जसले युवाहरुलाई आकर्षित गनुृका साथै दैनिक कामकाजी व्यक्तिले समेत उपयोग गर्न सक्ने छन् ।

यो मोटरसाइकलको लम्बाई २,०२० एमएम, चौडाई ७८५ एमएम र उचाई १,११५ एमएम हुनेछ । यसको मूल्य अहिले नै थाहा नभए पनि सामान्यतः १ लाख १५ हजार भारु जति हुनेछ ।

सो मोटरसाइकलमा १४९ सीसीको एयरकुल्ड इन्जिन हुनेछ, जसले १२.४ एचपीको पावर र १३.३ एनएमको टर्क जेनेरेट गर्नेछ । सो इन्जिनलाई ५–स्पिड कन्स्ट्यान्ट मेस ट्रान्समिसनले जोड्ने छ ।

त्यसैगरी सो मोटरसाइकलमा टेलिस्कोपिक फ्रन्ट सस्पेन्सन, मोनोसक रियर सस्पेन्सन हुनेछ । यो मोटरसाइकलको अन्य विभिन्न जानकारी भने अझै सार्वजनिक भइसकेको छैन । यद्यपि यसमा ब्लुटुथ, एन्टी लक ब्रेकिङ सिस्टम जस्ता हाइटेक फिचरहरु पनि उपलब्ध हुने छन् ।