सार्वजनिक भयो यामाहा एफजेड–एक्सको स्पष्ट तस्बिर

यामाहाको नयाँ बाइक एफजेड–एक्सको चर्चा हाल निकै चुलिएको छ । धेरैले यो बाइक बजारमा आउने चर्चासँगै चासो राख्न थालेका छन् ।

यसै सन्दर्भमा हालै सो बाइकको प्रमोसनल कार्य गरिरहदा कुनै पहाडी भुभागमा खिचिएको तस्बिर सार्वजनिक भएको छ । यसबाट बाइकको वारेमा थप जानकारी अझै स्पष्ट भएको छ ।

आकर्षक लुक र शानदार फिचर भएको सो बाइक एफजेड–एक्स कम्पनीले यही वर्ष लन्च गर्ने सम्भावना रहेको छ ।

यामाहाले एफजेड–एक्स गएको वर्ष रजिस्टर गराएको थियो । रिपोर्ट अनुसार सो नामको प्रयोग यामाहा एफजेड सिरिजको कुनै एड्भेन्चर बाइकमा प्रयोग गरिनेछ, तर यसको सम्भावना कम रहेको छ ।

सो बाइकमा १४९ सीसी एफजेडएस–एफआई प्लेटफर्मको प्रयोग गरिनेछ । जसले ७२५० आरपीएममा १२.४ बीएचपीको पावर जेनेरेट गर्छ । सो इन्जिनमा ५ स्पिड ट्रान्समिसनको विकल्प रहेको छ ।