यामाहाको पहिलो इलेक्ट्रिक स्कुटर भारतमा उत्पादन सुरु

यामाहाले आफ्नो पहिलो इलेक्ट्रिक स्कुटर ईसी–०६ को उत्पादन सुरु भएको घोषणा गरेको छ । सो नयाँ स्कुटर कर्नाटकको होस्कोटमा रहेको रिभरको प्लान्टबाट निर्माण भइरहेको छ ।

रिभर इन्डीमा आधारित यामाहा ईसी–०६ मा ४ किलोवाट आवरको ब्याट्री प्याक जडान गरिएको छ, जसले १६० किलोमिटरसम्म रेन्ज दिने दाबी गरिएको छ । स्कुटरमा ६.७ किलोवाट क्षमताको इलेक्ट्रिक मोटर दिइएको छ । यस स्कुटरलाई ९० किलोमिटर प्रतिघण्टाको उच्चतम गतिमा हाँक्न सकिने दाबी गरिएको छ ।

यामाहाको सो नयाँ स्कुटरमा आयताकार हेडल्याम्प, फ्ल्याट फुटबोर्ड र सिंगल पिस सिट उपलब्ध गराइएको छ । सिट मुनि २४.५ लिटर क्षमताको स्टोरेज स्पेस दिइएको छ ।

स्कुटरमा एलसिडी इन्स्ट्रयुमेन्ट कन्सोल राखिएके छ, भने राइडिङ मोडहरू र रिभर्स असिस्ट समेत उपलब्ध गराइएको छ । यामाहाले यस नयाँ स्कुटरलाई छिट्टै भारतिय बजारमा लन्च गर्ने तयारी गरेको छ ।