यामाहाले ल्यायो हाइब्रिड स्कुटर फाजियो

यामाहाले इन्डोनेसिया, थाइल्यान्ड र अन्य दक्षिण पूर्वी एसियाली राष्ट्रहरुमा हाइब्रिड स्कुटर उपलब्ध गराउदै आएको छ । यसै सन्दर्भमा हालै कम्पनीले इन्डोनेसियामा फाजियो हाइब्रिड स्कुटर सार्वजनिक गरेको छ ।

यो स्कुटरमा यामाहाको ब्लुकोर इन्जिन एफिसियन्सी टेक्नोलोजी प्रयोग गरिएको छ, जसमा १२४.८ सीसीको सिंगल सिलिन्डर इन्जिन प्रयोग गरिएको छ । सीभीटी गियरबक्स र बेल्ट ड्राइभयुक्त यो स्कुटरको इन्जिनले ८.३ एचपी पावर दिन्छ । हेभी लोडको समयमा प्रयोग गर्नका लागि यसमा भएको स्मार्ट मोटर जेनेरेटरले सहयोग गर्छ । यसमा भएको इन्जिन स्टार्ट स्टप सिस्टमले न्वाइज र पोलुसन घटाउन सहयोग गर्छ ।

यो स्कुटरमा स्मार्ट की, यूएसबी चार्जिङ पोर्ट र ह्यान्डलबारको तल्लो भागमा समेत स्टोरेज एरिया छ । दुई कार्गो हुक, ठूलो फ्लोरबोर्ड र सिट मुन्तिर १७.८ लिटरको स्टोरेज छ । यसमा भएको वाई–कनेक्ट एप प्रयोग गरी डिजिटल एलसीडी इन्स्ट्रयुमेन्ट प्यानलमार्फत विभिन्न जानकारी लिन सकिन्छ । त्यसैगरी एसएमएस र मिस्ड कल नोटिफिकेसन समेत उपलब्ध हुन्छ ।

यसमा एलईडी हेडलाइट छ भने अघिल्लो भागमा टेलिस्कोपिक फोर्क्स र पछिल्लो भागमा प्रिलोड एड्जस्टेबल मोनोसक सस्पेन्सन छ । त्यसैगरी १२ इन्चको अलोय ह्विल छ ।

यसको मूल्य करिव १ हजार ५ सय अमेरिकी डलर तोकिएको छ ।