यामाहाले दर्ता गरायो पेटेन्ट, आउँदै छ इलेक्ट्रिक स्कुटर ई०१

यामाहाले आफ्नो सबैभन्दा ठूलो इलेक्ट्रिक टु ह्विलर प्रोजेक्ट लगभग पुरा गरेको छ । कम्पनीले सो प्रोजेक्ट अन्तर्गत नयाँ इलेक्ट्रिक स्कुटर यामाहा ई०१ बजारमा उतार्ने छ ।

रिपोर्ट अनुसार सो स्कुटरको प्रोडक्सन भर्सन तयार भइसकेको छ । यामाहाले अब यसको पेटेन्टको लागि आवेदन दिएको छ ।

यामाहाले सो इलेक्ट्रिक स्कुटर कन्सेप्ट २०१९ टोक्यो मोटर शो मा प्रदर्शन गरेको थियो । सो स्कुटरको पेटेन्ट इमेज पनि लिक भएको छ । यस अनुसार सो कन्सेप्ट भर्सनको तस्बिरसँग यो धेरै मिल्दोजुल्दो छ । यद्यपि प्रोडक्सन भर्सनमा केही अपडेट पनि उपलब्ध हुनेछ ।

यसको कन्सेप्ट भर्सन हेर्दा वास्तविक जस्तो लाग्दैनथ्यो । प्रोडक्सन भर्सनमा यी सबैलाई हटाएर व्यावहारिक बनाइएको छ ।

यसमा १५ एचपीको इलेक्ट्रिक मोटर उपलब्ध छ । यसको फ्रन्ट नोजको तल नयाँ लाइट दिइएको छ । यामाहा आर वान बाट प्रभावित भएर यसमा ड्युअल एलईडी हेडलाइट दिइएको छ । यसको माथि बस चार्जिङ सकेट कभर गर्नका लागि एक ह्याच दिइएको छ ।

यसको फ्रन्टमा एलईडी मार्कर लाइट छ । यसमा डिजिटल इन्स्ट्रयुमेन्ट क्लस्टर र पिलियनका साथ सिंगल फ्रेम सिट छ । यसको टेल सेक्सन पनि निकै स्लिम छ ।

यामाहाले यो स्कुटरको वारेमा आधिकारिक जानकारी भने दिएको छैन । तर पेटेन्ट फाइल र अन्यका आधारमा यो इलेक्ट्रिक स्कुटर नै भएको अनुमान गरिएको छ ।