यामाहाको पहिलो इलेक्ट्रिक स्कुटर भारतमा लन्च, यस्तो छ मूल्य र रेन्ज

यामाहाले आफ्नो पहिलो इलेक्ट्रिक स्कुटर ईसी–०६ लाई भारतमा लन्च गरेको छ । १ लाख ६८ हजार भारु मूल्य निर्धारण गरिएको सो नयाँ स्कुटरलाई यामाहाले रिभर इन्डिसंग मिलेर तयार पारेको हो । स्कुटर सुरुमा भारतका चार शहर पुणे, मुम्बई, चेन्नई र बैंगलोरमा मात्र उपलब्ध हुनेछ ।

आयताकार हेडल्याम्प, फ्ल्याट फुटबोर्ड र सिंगल पीस सिट लेआउटमा तयार पारिएको सो नयाँ सकुटरमा कलर एलसिडी डिस्प्ले, रिभर्स असिस्ट र तीनवटा राइडिङ मोड प्रदान गरिएको छ । यसमा २४.५ लिटर क्षमताको अन्ड सिट स्टोरेज दिइएको छ ।

४ किलोवाट आवर क्षमताको ब्याट्री प्याक जडान गरिएको यस स्कुटरले सिंगल चार्जमा १६९ किलोमिटर रेन्ज दिने दाबी गरिएको छ । साथै, यसको अधिकतम पागवर आउटपुट ६.७ किलोवाट तथा टर्क २६ एनएम छ । स्कुटरलाई ७९ किलोमिटर प्रतिघन्टाको उच्चतम गतिमा हाँक्न सकिन्छ ।

यामाहाले यस स्कुटरमा ३ वर्ष अर्थात ३० हजार किलोमिटरसम्म ब्याट्री वारेन्टी प्रदान गर्ने जनाएको छ । ईसी–०६ भविष्यमा नेपाली बजारमा समेत उपलब्ध हुने अपेक्षा गर्न सकिन्छ ।