याडिया किनेस इलेक्ट्रिक मोटरसाइकल नेपालमा, मूल्य ६ लाख ६० हजार

काठमाडौं – नेपालका लागि याडियाको आधिकारिक वितरक कुजु नेपाल प्रालिले याडिया किनेस इलेक्ट्रिक मोटरसाइकल नेपालमा सार्वजनिक गरेको छ ।

गतिका लागि बनेको र भविष्यका लागि डिजाइन गरिएको याडिया किनेस एक उच्च प्रदर्शनयुक्त इलेक्ट्रिक मोटरसाइकल हो, जसले शक्ति, चपलता र आधुनिक डिजाइनलाई एकैसाथ प्रस्तुत गरेको कम्पनीको भनाइ छ ।

यसमा रहेको मिड–ड्राइभ मोटरले ५.५ किलोवाट रेगुलर पावर र ११ किलोवाट अधिकतम पावर जेनेरेट गर्छ । यसकारण सडकमा यसको दमदार उपस्थिति रहन्छ ।

किनेसले अधिकतम १०० किलोमिटर प्रतिघण्टाको गति र ४५ किलोमिटर प्रतिघण्टाको क्रुज स्पिडमा १४० किलोमिटरको रेन्ज प्रदान गर्छ । यसकारण यो सहर तथा लामो दुरी दुवैको यात्राका लागि उपयुक्त छ ।

यो बाइकमा रहेका ७२ भोल्ट ३२ एएचका दुई वटा टर्नरी लिथियम ब्याट्रीहरुले लामो दुरीको यात्रा सहज बनाउछ । ब्याट्रीको लाइफ साइकल २ हजार चार्ज सम्मको हुन्छ र ५ देखि ६ घण्टामा फुल चार्ज हुन्छ ।

यसमा २८० एनएम टर्क, अगाडि र पछाडि सीबीएस सहितको डिस्क ब्रेक, १७ इन्चको ट्युबलेस टायर, १७५ एमएमको ग्राउन्ड क्लियरेन्स, २० डिग्रीको उकालोमा चढ्न सक्ने क्षमता तथा १६ लिटरको अन्डर सिट बुट स्पेस लगायतका विशेषता रहेका छन् ।

यो इलेक्ट्रिक मोटरसाइकलको मूल्य ६ लाख ६० हजार रुपैयाँ तोकिएको छ । याडिया किनेसमा २ वर्ष वा २० हजार किलोमिटर सम्मको वारेन्टी उपलब्ध छ ।

नेपालभर रहेका याडिया शोरुमहरुमार्फत यो बाइकको बुकिङ समेत खुला गरिएको छ ।