दशैं अगाडि वुलिङ बिंगो ईभी एक्सचेन्ज अफर, ३० लाख भन्दा कम मूल्यको ईभी खोज्नेका लागि अवसर

काठमाडौं – ३० लाख भन्दा कम मूल्यमै ईभी किन्न चाहने ग्राहकलाई लक्ष्यित गरी पारामाउन्ट मोटर्सले वुलिङ बिंगो ईभीमा स्पेसल लिमिटेड टाइम एक्सचेन्ज अफरको घोषणा गरेको छ । आइतबार सम्म चल्ने सो अफर कम्पनीको नक्सालस्थित शोरुममा चलिरहेको छ ।

फेस्टिभ सिजनको यो समयमा ग्राहकले वुलिङ बिंगो ईभीका साथ आकर्षक एक्सचेन्ज अफर पाउने छन् । आधुनिक इलेक्ट्रिक कारमा पाइने आकर्षक फिचर र पर्फमेन्स पाइने वुलिङ बिंगो ईभी २९ लाख ९९ हजार मूल्यमै उपलब्ध हुनेछ ।

कम्फर्ट र सेफ्टी दुवैका लागि डिजाइन गरिएको र एड्भान्स्ड टेक्नोलोजीका साथ उपलब्ध वुलिङ बिंगो ईभीमा स्पेसियस इन्टेरियर, कटिङ–एज इन्फोटेनमेन्ट सिस्टम र इन्ह्यान्स्ड ब्याट्री एफिसियन्सी रहेको छ । व्यक्तिगत र पारिवारिक दुवै प्रयोजनका लागि उपलब्ध वुलिङ बिंगो ईभी ग्राहकले चाहेकै दिनमा डेलिभरी समेत गरिने कम्पनीको भनाइ छ ।

सो गाडीको ब्याट्रीमा ८ वर्ष वा १ लाख २० हजार किलोमिटर तथा मोटर तथा हाई भोल्टेज कम्पोनेन्टमा ३ वर्ष वा १ लाख किलोमिटर गुड्दा सम्म वारेन्टी उपलब्ध हुनेछ ।

‘धेरै ग्राहकसम्म इलेक्ट्रिक मोबिलिटी उपलब्ध गराउनका लागि कम्पनी प्रतिबद्ध रहेको तथा इनोभेसन, सेफ्टी र अफोर्डेबिलिटीको पूर्ण संगमको रुपमा रहेको वुलिङ बिंगो ईभीमा अपग्रेड हुनका लागि दशै अगाडि नै शोरुम भ्रमण गर्न सबैलाई अनुरोध गरिएको वुलिङ बिंगो ईभी सम्वद्ध स्रोतको भनाइ छ ।

आफ्नो पुरानो कुनै पनि ब्रान्डको जुनसुकै गाडीसँग वुलिङ बिंगो ईभी साट्न सकिने कम्पनीको भनाइ छ । यसरी एक्सचेन्ज गर्ने ग्राहक मध्ये लक्की ड्रबाट एक जोडीले फाइभ स्टार होटलमा डिनर खाने अवसर समेत पाउने कम्पनीको भनाइ छ ।

नेपाली बजारमा पारामाउन्ट मोटर्सले वुलिङका साथै एमजी, माज्दा र म्याक्सस ब्रान्डका सवारी साधनको समेत कारोबार गर्दै आएको छ ।