कारमा गलत फ्युल हालेमा के हुन्छ ? सावधानीका लागि यसो गर्नुस्

गाडी मुख्यतया पेट्रोल र डिजेलमा चल्छ । डिजेल इन्जिन भएको गाडी पेट्रोलमा चल्न सक्दैन र पेट्रोल इन्जिन भएको कारमा डिजेल हाल्न सकिँदैन । भूलवश पनि कारको ट्याङ्कीमा गलत इन्धन हालियो भने कारको इन्जिनमा ठुलो क्षति पुग्न सक्छ ।

डिजेलले लुब्रिकेशन तेलको रूपमा काम गर्छ, जसको कारण इन्धन पम्प र इन्जिनसँग सम्बन्धित अन्य भागहरू ठिकसँग काम गर्छ । यदि डिजेल ट्याङ्कीमा पेट्रोल खन्याएमा, कार स्टार्ट गर्ने बित्तिकै पेट्रोल इन्जिनको हरेक भागमा पुग्छ ।  यसले गाडीका पार्टपुर्जाहरूबिच घर्षण बढाउँछ र  इन्जिन ठुलो क्षति पुग्न सक्छ।

कारको ट्याङ्कीमा डिजेलको सट्टा पेट्रोल राख्दा कार स्टार्ट गर्नु हुँदैन । यस्तो अवस्थामा कार स्टार्ट गरियो भने डिजेलमा मिसिएको पेट्रोल तुरुन्तै इन्जिनमा पुग्छ र गाडीको धेरै पार्टहरु क्षतिग्रस्त हुने सक्छ । त्यसैले कारमा गलत इन्धन राखिएको थाहा भएमा कारलाई छेउमा धकेल्नुहोस् र मेकानिकलाई बोलाउनुहोस् ।

डिजेल कारमा गल्तीले पेट्रोल भर्दा सर्वप्रथम मेकानिक्समार्फत ट्याङ्कीबाट पेट्रोल निकालिन्छ र फ्युल लाइन सफा गरिन्छ । आवश्यक परेमा इन्धन फिल्टर पनि परिवर्तन गरिन्छ ।  तर पनि डिजेल कारको ट्याङ्कीमा ५ प्रतिशत पेट्रोल भने बाँकी रहन्छ । यद्यपि यति थोरै मात्रामा पेट्रोल भए पनि इन्जिनमा खासै असर पर्दैन ।

यदि गाडीमा पेट्रोलको सट्टा डिजेल भरिन्छ भने यसको क्षति सामान्यतया सीमित हुन्छ । पेट्रोल डिजेलको तुलनामा धेरै रिफाइन हुन्छ र इन्जिनको स्पार्क प्लगबाट स्पार्क इग्निशन सिर्जना गर्छ । पेट्रोल कारको इन्जिन ट्याङ्कीमा डिजेलले क्र्याङ्क गरिएको छ भने, स्पार्क प्लग र फ्युल सिस्टम डिजेलले बन्द हुन्छ । साथै, इन्धन फिल्टर पनि क्षतिग्रस्त हुन्छ । यस्तो अवस्थामा कार रोकिन्छ र इन्जिन मिस फायर भएर धेरै धुवाँ निस्कन्छ । यस्तो अवस्थामा डिजेललाई पूर्ण रूपमा सफा गर्नुपर्ने हुन्छ ।