फक्सवागनले ल्यायो आधुनिक प्रबिधी र रेट्रो लुक्सको इलेक्ट्रिक भ्यान

जर्मन अटो निर्माता फक्सवागनले नयाँ इलेक्ट्रिक भ्यान आइडी बज सार्बजनिक गरेको छ । यो नयाँ इलेक्ट्रिक भ्यानमा आधुनिक प्रबिधी र रेट्रो लुक्स दिइएको छ । भी आकारको बोनेट स्ट्रक्चर, एलइडी मेट्रिकस हेडल्याम्प, डुअल टोन कलर स्किम, अपराइट टेलगेट, हाइ माउन्टेट स्टप ल्याम्प, सार्क फिन एन्टेना, एलइडी टेल ल्याम्मले यो भ्यानलाई आकर्षक देखाएको छ ।

युरोपेली बजारलाई लक्षित गरी ल्याइएको यो भ्यानमा ८२ किलोवाट आवरको ब्याट्री प्याक जडान गरिएको छ । जसको अधिकतम पावर २०४ एचपी र टर्क ३१० एनएम रहने जनाइएको छ । फक्सवागनले यो भ्यानलाई तत्कालका लागी ५ सिटर अप्नसमा उपलब्ध गराउने र पछि ६ सिटरमा समेत उपलब्ध गराउने सोच बनाएको छ । यो भ्यानको बिक्री यसै बर्षको अन्त्यदेखी शुरु हुने जनाइएको छ ।

यो इलेक्ट्रिक भ्यानले २५० माइल रेन्ज प्रदान गर्ने दाबी गरिएको छ । १४५ किलोमिटर प्रतिघन्टाको उच्च गतिमा चलाउन सकिने यसको ब्याट्रीलाई १७० किलोवाट चार्जरबाट आधा घन्टाभित्रै ५ देखी ८० प्रतिशत चार्ज गर्न सकिन्छ ।
यो भ्यानमा १२ इन्चको टचस्क्रिन इन्फोटेन्मेन्ट सिस्टम, १० इन्चको डिजिटल क्लस्टर, वायरलेस चार्जर, युएसबी–सि पोर्ट, इलेक्ट्रिकल्ली एड्जस्टेबल सिट, फ्रन्ट सिटब्याकमा फोल्ड–डाउन टेबल र स्लाइडिङ डोर जस्ता फिचर्स दिइएको छ ।